Havano, feb 20 (RHK)La agado de virinoj en ĉiuj sferoj de la kuba socia kaj ekonomia vivo manifestiĝas hodiaŭ kun ilia majoritata ĉeesto en la kandidatiĝoj por la X-a Leĝdonado de la Nacia Asembleo de Popola Povo (ANPP).
Se la proponita kandidataro estos aprobita en la elektoj de la 26-a de marto, tiu ĉi nacio konservos mejloŝtonon atingitan en 2018, ĉar ĝi denove havos la duan Parlamenton kun plej multaj virinoj en la mondo: 55,3 % de deputitoj el la 470 deputitoj.
La gvida rolo de virinoj evidentiĝas ankaŭ en la scienca kaj teknologia agado de la lando, en kiu pli ol 50% de ĝiaj membroj estas inoj, same kiel en la laboristaro, tial iliaj parlamentaj kandidatiĝoj inkluzivas reprezentantojn de diversaj sektoroj.
La partopreno de virinoj pro siaj meritoj kaj kapabloj en la parlamento de la insulo pligrandiĝis: en la VII-a Leĝdona periodo, kiu estis en sesio de 2008 ĝis 2013, ili konsistigis 43,32% de la totala nombro de ĝiaj membroj, dum en la VIII-a Leĝdona periodo ( 2013 ĝis 2018), tiu figuro atingis 48,86%.
En la IX-a Leĝdona periodo, kiu ĉesos siajn funkciojn ĉi tiun 2023, estis atingita 53,4% ina reprezentantaro.
Ĉi tiuj ciferoj estas rezultoj de la ekzistantaj politikoj por garantii la disvolviĝon de virinoj, esprimitaj en la Konstitucio de la Respubliko de Kubo, kaj la promocio de iniciatoj por forigi seksajn diferencojn.
La progresoj spertitaj en tiu ĉi afero en la lastaj jardekoj estas konsiderataj unu el la plej sukcesaj sociaj fenomenoj, kiuj okazis en la Kuba Revolucio.
Fonto: PL
