Bogoto, feb 22 (RHK) La ministro pri ekstera komerco de Kubo, Rodrigo Malmierca, partoprenos hodiaŭ en la inaŭguro de la 42-a eldono de la Montrofenestro Anato 2023, konsiderata la plej grava turisma evento en Kolombio.

Kun sia partopreno en ĉi tiu foiro de la Kolombia Asocio de Vojaĝaj kaj Turisma Agentejoj (Anato), la kuba ministro finas tritagan viziton al ĉi tiu nacio kie li havis larĝan labortagordon por montri komercajn eblecojn en la Antila lando.

Ĉi-mardon, la ministro estis ĉe la prezento de la Dosiero de Eksterlandaj Investaj Projektoj kun emfazo sur la Biofarmacia sektoro, kiun prezentis la estro de la Eksporta Departemento de Biocubafarma, Ailén Díaz.

Malmierca ankaŭ renkontiĝis hieraŭ kun reprezentantoj de la Kolombia Federacio de Ranĉistoj, la Nacia Asocio de Entreprenistoj, Analdes, ĉefa kompanio en la ligno-industrio; de la Societo de Agrikulturistoj, la Kolombia Agrikultura Instituto kaj la saninstanco Invima.

En tiu renkontiĝo, la komercistoj esprimis sian intereson koni la detalojn por investi en Kubo en areoj rilataj al la vendo de bovaĵo, konstrumaterialoj kiel ŝtalo, aerkonektoj, inter aliaj.

Same, ankaŭ estis intereso lerni pri la kuba GAVAC-vakcino kontraŭ iksodoj ĉe brutoj, ellaborita de la Centro por Genetika Inĝenierado kaj Bioteknologio, konata per ĝia akronimo CIGB, kaj apliki ĝin en ĉi tiu sudamerika lando.

Post la renkontiĝo kun la komercistoj kaj aŭtoritatoj, Malmierca kunvenis kun la membroj de la kuba ŝtata misio, gvidata de ambasadoro Javier Caamaño, kun kiu li diskutis la nunan situacion sur la insulo kaj la potencialon en la areo de investo por kontribui al nacia evoluo.

Dum ĉi tiuj tagoj, la ministro estis akompanata de delegacio formita de Janet Fernández, direktoro de Komerca Politiko kun Latin-Ameriko kaj Karibio de la Ministerio de Ekstera Komerco; Omar Fernández, Ĝenerala Sekretario de la Komerca Ĉambro kaj la estro de la Eksporta Departemento de Biocubafarma, Ailén Díaz.

Fonto: PL