Miguel Díaz-Canel kaj la ministro pri eksteraj aferoj de Francio, Catherine Colonna. (Foto: PL)

Parizo, jun 22 (RHK) La prezidento de Kubo, Miguel Díaz-Canel, partoprenas ĉi-ĵaŭdon en la pintkunveno pri Nova Monda Financa Pakto, forumo inaŭgurita en Parizo, Francio, de la gastiganta ŝtatestro, Emmanuel Macron.

En la Palaco Brongniart, loko de la du-taga aranĝo, la insula prezidento estis akceptita de la franca kanceliero, Catherine Colonna, kelkajn minutojn antaŭ la instalado de la pintkunveno kun ĉirkaŭ cent ŝtatestroj kaj registaraj gastoj.

Díaz-Canel ĉeestas kiel gvidanto de la Grupo 77 plus Ĉinio, bloko formita de 134 el la 193 membroŝtatoj de Unuiĝintaj Nacioj, en kiu Kubo tenas la portempan prezidantecon ĉi-jare.
La renkontiĝo celas alfronti el multflankismo la defion konstrui pli reaktivan, justan kaj subtenan financan sistemon, kiu ebligas alfronti malegalecojn, akompani la batalon kontraŭ klimata ŝanĝiĝo kaj materiigi la celojn de daŭripova disvolviĝo.

La pozicioj de Kubo pri la afero estas konataj, kaj trapasas la alvokon al konkreta subteno al la Sudlandoj rilate al merkataliro, transigo de teknologio kaj kapablo-konstruado.
La insulo ankaŭ pledas por inkluziva internacia imposta kunlaboro kaj por la establado de plurflanka mekanismo por la retraktado de suverenaj ŝuldoj.

Por la plej granda el la Antiloj, la dezajno de nova monda financa arkitekturo ankaŭ implikas la forigon de blokadoj kaj unuflankaj trud-iniciatoj, kiel tiuj suferitaj de diversaj nacioj de la Sudo, influantaj ilian evoluon.

De pli ol 60 jaroj, Kubo alfrontis la ekonomian, komercan kaj financan blokadon de Usono, politikon kontraŭan al la Internacia Juro kaj al multflankismo.

Oni atendas, ke Díaz-Canel substrekos ĉi tiujn poziciojn dum la pintkunveno kaj ĝiaj kunvenoj en ĉi tiu ĉefurbo.

La forumo pri Nova Tutmonda Financa Interkonsento kulminos vendrede per familia foto, ferma ceremonio kaj gazetara konferenco.

Fonto: PL