![](/articles/cropped/tr1O-62483110-btpd-53691758-marrero-baracoa-maisi.png)
Manuel Marrero en la interŝanĝoj kun la membroj de la konsilioj de la urba administracio de Baracoa kaj Maisí
Havano, jun 29 (RHK) La Ĉefministro de Kubo, Manuel Marrero, daŭrigas hodiaŭ la revizion de la strategioj efektivigitaj por disvolviĝo en la orientaj provincoj de la insulo, kaj ankaŭ ilian rekuperiĝon post pluvegoj kaj inundoj.
La registarestro komencis la kvaran registaran viziton al Guantánamo antaŭtage, en turneo kiu kondukos lin ankaŭ al Santiago de Kubo, en la kunteksto de klopodoj por antaŭenigi la progreson de la lando el la teritorioj, profitante ilian potencialon.
Inter aliaj aferoj, li pritaksis la loĝejan programon, la situacion de publika transporto, nutraĵproduktadon kaj la efikojn de la sekeco en la ŝtato Guantanamo.
Kun la aŭtoritatoj de la municipo de Baracoa, Marrero reviziis la iniciatojn plibonigi publikan transporton, manĝaĵon por la homoj, inter aliaj ligitaj al la socikultura evoluo de la komunumoj.
Analizinte la loĝejan situacion, oni eksciis, ke 53 procentoj de la loĝeja fonduso tie klasifikas kiel meza aŭ malbona kaj ke la subvencioprogramo ne progresas kiel ĝi devus.
En la hotelo Porto Santo, la ĉefministro kontrolis la turisman disvolvan strategion, sektoron, kiu -laŭ Marrero- devus ludi gvidan rolon en la somera sezono, kun la uzo de la natura riĉeco de la Guantanamo-municipo.
Li vizitis ankaŭ la ĉokoladfabrikon Rubén Suárez kaj la Agroarbaran kaj Kokosan Kompanion, ĉi-lasta, komisiita por produktado, kolektado, prilaborado kaj merkatado de agrikulturaj produktoj kaj iliaj derivaĵoj.
Dum siaj vizitoj, la ĉefministro insistis pri la bezono kongrui lokajn strategiojn kun solvado de la plej urĝaj problemoj de la loĝantaro.
Akompanas Marrero en ĉi tiuj laborvizitoj, respektive, la Ministroj pri Kulturo kaj Konstruado de la kariba nacio, Alpidio Alonso kaj René Mesa; same kiel la prezidanto de la Nacia Instituto de Hidraŭlikaj Rimedoj, Antonio Rodríguez, krom aliaj registaraj oficistoj kaj lokaj aŭtoritatoj.
Fonto:PL