Fotoj: @PresidenciaCuba

Maputo, aŭg 25 (RHK) La prezidento de Kubo, Miguel Díaz-Canel, alvenis ĉi-vendredon al Mozambiko por plifortigi la historiajn ligojn de amikeco kaj kunlaboro, kiuj kunigas la du naciojn.

La kuba prezidento vojaĝis al tiu ĉefurbo el Sud-Afriko, kie li partoprenis en la Pintkunveno Brics nome de la Grupo 77 kaj Ĉinio kaj okazigis renkontiĝojn kun solidarecaj grupoj kun la insulo.

Post la militaj honoroj, la 21 kanonaj salutoj, la revizio de la formitaj trupoj kaj la defilado de la Honora Gvardio, la kuba ŝtatestro okazigis privatan kunvenon kun sia ekvivalento Filipe Jacinto Nyusi, kiel publikigis rete socia X la prezidanteco de la Kariba insulo.

Laŭ informoj, Jacinto Nyusi konfirmis la inviton de la prezidanto vojaĝi al Havano kaj partopreni en la Pintkunveno de G-77 kaj Ĉinio, grava evento okazonta en septembro.
Poste kunvenis ankaŭ la delegacioj preziditaj de ambaŭ eminentuloj.

Dum sia restado en tiu afrika nacio, Díaz-Canel renkontiĝos kun kunlaborantoj de la kariba nacio, kiuj tie laboras, reprezentantoj de la solidarecaj movadoj kaj kubaj loĝantoj.

La vizito okazas ĉe la pordego de la 48-a datreveno de la rilatoj inter Kubo kaj Mozambiko, subskribita la 27-an de aŭgusto 1975, kiu donas tre specialan karakteron al tiu ĉi renkontiĝo.

La historio de kunlaboro inter la du landoj estas markita de la amikeco inter la unua mozambika prezidento kaj sendependisma batalanto, Samora Machel, kaj la historia gvidanto de la Kuba Revolucio, Fidel Castro Ruz, kiu vizitis la urbon Beira en marto 1977.

De tiuj unuaj momentoj ĝis la nuntempo, la ligoj inter ambaŭ nacioj estis proksimaj.

Fonto: @PresidenciaCuba