Foto: PL

Havano, aŭg 30 (RHK) Kubo plifortigas hodiaŭ la reakigajn klopodojn, kiuj komenciĝis antaŭtage, post la fina movo norden de la Uragano Idalia, kiu trafis la plej okcidentan regionon de la insulo.

Laŭ la antaŭtakso, la plej gravaj damaĝoj estis raportitaj en la elektra servo, komunikadoj kaj agrikulturo, precipe en Pinar del Río, la plej okcidenta provinco, kvankam Artemisa kaj la speciala municipo de Insulo de la Junularo ankaŭ estis tuŝitaj.

La antaŭan tagon, la ĉefministro Manuel Marrero instigis la ministrojn viziti ĉiun scenon damaĝitan de la meteologia evento kiel eble plej baldaŭ, konforme al la gvidlinioj donitaj de la prezidento Miguel Díaz-Canel.

Dume, brigadoj de linilaboristoj kaj aliaj specialistoj de teritoriaj demarkacioj ne tuŝitaj de Idalia foriris al la okcidenta regiono, kaj rimedoj estas mobilizitaj por subteni la reakivan klopodon.

En kunveno de la Konsilio de Ministroj, okazinta ĉi tiun mardon, Díaz-Canel pozitive taksis la preventajn agojn faritajn kaj esprimis profundan, precizan kaj lertan taksadon de la damaĝo kaŭzita al la teritorio trafita de Idalia.

Li emfazis restarigi elektran servon kiel eble plej baldaŭ en lokoj inunditaj de pluvegoj kaj fari la samon por renversi ĉion, kio estis trafita koncerne komunikadojn, kaj ankaŭ la gravecon de atenti specialan rikoltojn.

Li emfazis la bezonon informi la loĝantaron, precipe loĝantojn de teritorioj kie elektra servo kaj komunikado suferis damaĝon.

Pli ol 1.645 familioj devis esti protektitaj en Pinar del Río, dum sur la Insulo de la Junularo la evakuitoj nombris 266, kaj en Artemisa pli ol 1.400 loĝantoj estis translokigitaj al sekuraj lokoj, pro fortaj ventoj kaj abunda pluvokvanto kaŭzita de la hidrometeorologia fenomeno.

Fonto: PL