Foto: @prezidanteco
Havano, sep 17 (RHK) La informagentejo Prensa Latina raportas ke la prezidento de Kubo, Miguel Díaz-Canel, alvenis al Novjorko por partopreni en la Altnivela Semajno de la 78-a Ĝenerala Asembleo de Unuiĝintaj Nacioj.
La kuba ŝtatestro ankaŭ prezidas la grupon de 77 (G77) kaj Ĉinio, la plej granda kaj plej diversa grupo ene de la Organiza sistemo de UN kun 134 membrolandoj, kiu inkluzivas 80 procentojn de la monda loĝantaro.
Dum la semajno, la ŝtatestro reprezentos Kubon kaj la intertraktan blokon en la Ĝenerala Debato de la renkontiĝo, kune kun aliaj planitaj eventoj kiel la Pintkunveno de Daŭripovaj Celoj, la centra akso de la Segmento.
La prezidento anoncis en sia X-konto (eksa Tvitero), ke li ĉeestos "plurajn altnivelajn kunvenojn ĉi-semajne".
Laŭ la mesaĝo, Díaz-Canel kaj la akompana delegitaro reprezentos en la Ĝenerala Asembleo la postulojn de la kuba popolo kaj de la ĵus finiĝinta Pintkunveno de la Grupo 77 kaj Ĉinio.
