Foto: MInrex

Havano,  okt 19 (RHK) La ministro pri eksteraj aferoj de Kubo, Bruno Rodríguez, denuncis hodiaŭ, ke la damaĝoj akumulitaj de la ekonomia, komerca kaj financa blokado de Usono kontraŭ sia lando sumiĝas al 159 mil 84 milionoj 300 mil dolaroj.

Rodríguez malkaŝis tiun ciferon en la prezento al la membroj de la diplomatia korpuso akreditita en Kubo de la Nacia Raporto pri la efikoj de la ekonomia blokado de Vaŝingtono kontraŭ Havano de marto 2022 ĝis februaro 2023.

Ĉi tiu periodo estis markita de la konstanta kaj intenca aplikado de la maksimumpremaj regulaĵoj establitaj dum la registaro de Donald Trump, la valideco de la leĝoj, kiuj konsistigas ĉi tiun sistemon de unuflankaj trudaj rimedoj, kaj la inercio kaj senmoveco de la nuna registaro de la prezidento Joseph Biden,  antaŭenigi veran progreson en duflankaj rilatoj inter Kubo kaj Usono.

De la 1-a de marto 2022 ĝis la 28-a de februaro 2023, la blokado kaŭzis damaĝojn al Kubo de pli ol 405 milionoj da dolaroj monate, pli ol 13 milionoj da dolaroj tage, kaj pli ol 555 mil dolaroj por ĉiu horo de blokado.

De pli ol ses jardekoj, Usono unuflanke trudis ekonomian, komercan kaj financan blokadon kontraŭ Kubo, kiu plifortiĝis en la lastaj jaroj, malgraŭ la tutmonda postulo ekde 1992 en la Ĝenerala Asembleo de Unuiĝintaj Nacioj por ke la Blanka Domo ĉesigu ĝin.

Fonto:  Cubaminrex