Havano,  nov 13 (RHK) Kubo prepariĝas por okazigi la Kvaran Konferencon pri Nacio kaj Elmigrado, okazonta la 18-an kaj 19-an de novembro en Havano kun la partopreno de ĉirkaŭ 440 ŝtatanoj loĝantaj eksterlande.

Ĉi-okaze ĉeestos signifa nombro da personoj, kiuj ne estis en la antaŭaj dialogoj, kaj ankaŭ granda nombro da kubanoj, kiuj loĝas en la lando kaj eksterlande kiel rezulto de la modifo de la Konstitucio, kiu nun agnoskas efektivan civitanecon.

Ĉi tio estas traktado, kiun Ŝtato akceptas kun individuoj, kiuj havas pli ol unu civitanecon, kaj implicas la nesenigon de ĉi tiu akirante alian aŭ aliajn.

Laŭ la alvoko, la ĉeestantoj de tiu ĉi evento diskutos pri la ligoj de Kubo kun siaj samlandanoj eksterlande kaj la perspektivoj de tiu rilato.

Migraj aferoj kaj aliaj rilataj al kulturo kaj identeco, ekonomia disvolviĝo kaj investoj ankaŭ estos traktataj kun la partopreno de kubanoj en la sociekonomikaj procezoj kiuj okazas en la lando.

Kubo rekomendas la plifortigon de la ligoj kun siaj ŝtatanoj loĝantaj eksterlande laŭ la defendo de sia suvereneco, kaj antaŭenigas politikojn kiuj stimulas pli grandan partoprenon de tiuj en la procezoj de kultura kaj sociekonomia evoluo kiuj okazas sur la insulo.

Sekve de tiuj klopodoj, en la lastaj jaroj estis forĝitaj vastaj ligoj inter Kubo kaj ĝiaj samlandanoj.

Ekde la 1-a de julio 2023 ekvalidis normoj kiel la redukto de la konsula kotizo asociita kun la pasporta peto, la forigo de la plilongigo de tiu dokumento kaj la plilongigo de la valideco de ordinaraj kubaj pasportoj de ses al 10 jaroj.

Tiu ĉi IV-a Konferenco koincidas kun la okazigo de la 45-a datreveno de la unua el tiuj dialogoj, okazinta en 1978, kaj la okazigo de la dua kultura festivalo Kubo iras kun mi, kun la partopreno de dekoj da kubaj artistoj kaj intelektuloj loĝantaj eksterlande.

Fonto: PL