Ĉi tiu teknologia deplojo ekas en la turismaj centroj, kaj etendiĝos al la tuta lando.

Havano, dec 6 (RHK) La uzo de Mir-kartoj kiel pagrimedo  en la nacia reto de bankaŭtomatoj kaj vendpunktoj (POS) finstacioj oficialiĝis en interŝanĝo hieraŭ inter reprezentantoj de la Rusa Nacia Karta Paga Sistemo (NSPK), de la Centra Banko de Kubo (BCC), PagServoj  (Red S.A.) kaj Fincimex, kiel informas la BCC en sia retejo.

Ĉi tiu teknologia deplojo estos iom post iom efektivigita en la POS, komencante en la turismaj centroj, kaj poste etendiĝante al la tuta lando. Ĉi tiu servo estas provizita en la ATM-reto ekde decembro 2022.

Ĉeestis en la kunveno Vladimir Komlev, plenuma direktoro, kaj Evgeniya Egorenkova, estro de la Internacia Komerca Departemento, ambaŭ el NSPK Rusio. Reprezentante Kubon por la BCC, Alberto Javier Quiñones Betancourt, vicprezidanto, kaj Julio Antonio Pérez Álvarez, ĝenerala direktoro de Operacioj kaj Pagsistemoj; Greicher La Nuez Gambino, ĝenerala direktoro de la Nebanka financa institucio, PagServoj  Red S.A., kaj Yamil Hernández González, ĝenerala direktoro de Fincimex.

La unua operacio estis farita ĉe la vendejo Casa del Café Mamá Inés, parto de la reto Caracol, en kiu oni kontrolis la funkciadon de la kartoj, kun kontentigaj aĉetaj agoj.
 
Fonto: Granma