Foto: @Presidencia

Havano, jan 29  (RHK) La unua sekretario de la Centra Komitato de la Komunista Partio de Kubo (CC-PCC) kaj prezidento de la Respubliko, Miguel Díaz-Canel, ĉi-lunde vizitis produktajn areojn kaj centrojn de alta socia efiko de la havana municipo Arroyo Naranjo  kadre de la partiaj vizitoj, kiujn li faris ekde la komenco de la jaro.

Akompanita de la sekretario pri organizo de la komunista partio, Roberto Morales Ojeda, kaj la plej alta partia gvidantaro en la ĉefurbo, la eminentulo parolis kun kuracistoj kaj flegistinoj de la teritorio por lerni la perspektivojn pri la decido de la Registaro fari pliajn pagojn al laboristoj en la sanserva  sektoro  kaj edukado.

Díaz-Canel eksciis, ke post la decido, pli ol 340 profesiuloj revenis al laboro, inkluzive de 279 flegistinoj, raportis la Prezidanteco de la Respubliko en la socia reto X.

La ŝtatestro faris emocian viziton al la Infana Hejmo sen familia protekto, kie dek beboj, inter unu kaj sep jaroj, ricevas plentempan prizorgon.

Dum 27 jaroj la loko prizorgas infanojn en vundeblaj situacioj, kio estis rekonita de la prezidento de la kariba nacio.

Same, li konfirmis la rezultojn de la protektata kultivaĵo-modulo de 'Las Guásimas' kaj la bieno 'Marfán', kiuj pruvas la produktivan potencialon de tiu Havana municipo.

Fonto: PL