Foto: Studio Revolución
Havano, feb 1 (RHK) La prezidento de Kubo, Miguel Díaz-Canel, akceptis la ministron pri eksteraj aferoj kaj turismo de Sejŝeloj, Louis Sylvestre Radegonde, kiu oficiale vizitas la kariban nacion.
Akompanata de la ministro pri eksteraj aferoj Bruno Rodríguez, la prezidento sendis salutojn al la sejĉela prezidento, Wavel Ramkalawan, al kiu li invitis viziti la insulon.
La prezidanto emfazis, ke la vizito de Radegonde diras multon pri la historiaj duflankaj rilatoj, kiel raportis la Prezidanteco de la Respubliko en sia konto en la socia reto X.
La kanceliero de Sejŝeloj ankaŭ estis akceptita ĉi-merkredon de la prezidanto de la Nacia Asembleo de Popola Povo (Parlamento), Esteban Lazo, ĉe la Kapitolo, sidejo de la Leĝdona korpo.
Radegonde okazigis renkontiĝon kun sia kuba ekvivalento, Bruno Rodríguez, kiu ratifis la intereson de la insulo daŭrigi plifortigi la duflankan kunlaboron.
La estro de la kuba diplomatio ripetis sian dankon pro la subteno de Sejŝeloj al la rezolucio kontraŭ la blokado, kiun la kariba nacio prezentas ĉiujare ĉe la Unuiĝintaj Nacioj, same kiel al tiu aprobita ene de la Afrika Unio kontraŭ tiu ĉi unuflanka politiko.
Kubo kaj Sejŝeloj establis diplomatiajn rilatojn en 1978, sed la ligoj inter ambaŭ popoloj kaj registaroj devenas de antaŭ la sendependiĝo de tiu afrika insularo en la Hinda Oceano, en 1976.
Ambaŭ nacioj konservas longan rilaton en lokoj kiel ekzemple edukado kaj sano.
