Foto: PL
Havano, feb 13 (RHK) Intelektuloj, personecoj, pensuloj kaj akademianoj el 37 landoj, kune kun siaj kubaj kolegoj, daŭrigas hodiaŭ ĉi tie debatojn en la kunteksto de la II-a Internacia Renkontiĝo de Teoriaj Eldonaĵoj, Partioj kaj Movadoj de la Maldekstro.
Dum la tago la partoprenantoj pripensos, inter aliaj temoj, alternativojn por alfronti la amaskomunikilan militon de la grandaj potenco-centroj kontraŭ la homoj, kaj la neceso defendi revolucian teorion.
La evento, kiu komenciĝis la antaŭan tagon kun alvoko al unueco kaj al la batalo por paco kaj solidareco de la popolo kontraŭ imperiisma agreso, daŭrigas la unuan el ĉi tiuj renkontiĝoj persone okazintaj en Havano en februaro 2023.
En la komencaj vortoj, la estro de la Ideologia Departemento de la Komunista Partio de Kubo, Rogelio Polanco, emfazis la gravecon de interŝanĝado de vizioj, konsentante pri agoj bazitaj sur engaĝita pripensado en la sekvado de la historiaj luktoj de la maldekstro.
Li identigis kiel agadliniojn la kondamnon de imperiismo kaj cionismo, la batalon por paco, same kiel la solidarecon de la popolo kontraŭ imperiisma agreso, kiujn li priskribis kiel la plej bazan el la engaĝiĝoj farendaj de maldekstraj teoriaj publikaĵoj.
La ĉeestantoj pripensis la gravecon de kunordigi klopodojn plifortigi la unuecon de la maldekstro sen perdi identecon kaj ĉeestis la prezenton de la libro Americj Esesoj de la kuba filozofo Isabel Monal.
Fonto: PL
