foto. arkivo Minrex

Havano, feb 16 (RHK) Kubo petis decidon de la Internacia Kortumo pri la juraj konsekvencoj de la praktikoj kaj politikoj de Israelo kontraŭ la palestina popolo, inkluzive de la jura respondeco, kiu estiĝas por ĉiuj Ŝtatoj kaj Nacioj.

La vicministrino de la Ministerio de Eksteraj Aferoj, Anayansi Rodríguez Camejo, klarigis en deklaro, publikigita de la Ministerio de Eksteraj Aferoj, ke la 21-an de februaro Kubo ĉeestos al la aŭdienco de la Internacia Kortumo kadre de la proceso petita de la  Ĝenerala Asembleo. Unuiĝintaj Nacioj, per sia rezolucio a/res/77/247, de la 30-a de decembro 2022, titolita israelaj koloniaj praktikoj kaj agadoj kiuj influas la rajtojn de la palestina popolo kaj aliaj arabaj loĝantoj de la okupataj teritorioj.

La 25-an de julio 2023, Kubo postulis ke la Kortumo disponigu klaran kaj rektan deklaron de tiu korpo koncerne la malobservojn de Israelo. "Kubo subtenas, laŭleĝe, ke  Israelo kaj ĝiaj komplicoj devas esti deklaritaj, laŭ la nuna Internacia Juro, kiel respondecaj pri la genocido kiun la palestina popolo travivis dum jardekoj, kaj spertas hodiaŭ en tre plimalbonigita maniero", tekstas la dokumento.

De pli ol 70 jaroj, al tiuj homoj oni neas sian rajton je memdeterminado, kaj ili estas submetitaj al politiko de genocido, kies celo estas la klara ekstermado de sia loĝantaro.

La deklaro ankaŭ denuncas la kunkulpecon de iuj potencoj, kiuj, kiel Usono, garantias senpunecon al Israelo kaj malhelpas ajnan efikan agadon de la UN-sistemo.

Kubo ripetas, ke ampleksa, justa kaj daŭra solvo de la israela-palestina konflikto ne povas esti prokrastita, bazita sur la kreado de du Ŝtatoj.

Fonto: MInrex