Havano, mar 27 (RHK) La ĵurnalo The Guardian de Britio referencas ĉi-mardon en artikolo la malobservon de la voĉdonaj promesoj de la usona prezidento, Joseph Biden, rilate Kubon kaj lian similan fokuson al tiu de lia antaŭulo, Donald Trump (2017-2021).
Subskribita fare de Bhaskar Sunkara, la teksto deklaras ke ambaŭ gvidantoj instigis la ekonomian mizeron de la kariba nacio.
Li ankaŭ rememoris, kiel la 6-an de aprilo 1960 la usona diplomato Lester D. Mallory skribis memorandon, en kiu li rekomendis embargon “kiu rifuzus monon kaj provizojn al Kubo, por redukti monajn kaj realajn salajrojn, por provoki malsaton, malesperon kaj renverson de la registaro.”
La artikolo reliefigas, ke 64 jarojn poste, tiu politiko difinita de la insulo kiel blokado ankoraŭ validas, kvankam ĝi ne atingis sian deklaritan celon: la renverso de la Revolucio.
Tamen, ĝi nutras jarojn da malespero kaj justa kolero, kaj eĉ eksprezidento Barack Obama agnoskis tion dum sia dua mandato.
La ĵurnalisto argumentas, ke en la historia vizito al Havano en 2016, la eksprezidento deklaris pri la celo de sia alveno al Havano: "entombigi la lastan spuron de la malvarma milito en la Amerikoj" kaj "etendi la manon de amikeco al la kuba popolo."
Sunkara, prezidanto de La Nacio, fondinta redaktoro de Jacobin kaj aŭtoro de La Socialisma Manifesto: La kazo por radikala politiko en epoko de ekstremaj malegalecoj, ankaŭ rimarkis, ke tiam la registaro de Obama progresis en tiu direkto.
Li indikis, ke en tiu stadio usonaj limigoj pri vojaĝoj kaj monsendaĵoj estis mildigitaj kaj la ambasadoj de ambaŭ landoj en Havano kaj Vaŝingtono estis remalfermitaj.
Krom tio, Kubo estis forigita el la listo de Ŝtataj sponsoroj de terorismo kaj povis fari komercon kun nordamerikaj bankoj, taksitaj kiel la akso de la monda financa sistemo.
"La plej malnova punreĝimo en la historio ne estis tute malmuntita, sed progreso estis grandega kaj kubaj laboristoj vidis la avantaĝojn preskaŭ tuj", li argumentis.
Sed la surpriza elekto de Donald Trump ŝanĝis ĉion, tiel influite de kuba-usonaj politikistoj kiel Marco Rubio kaj "brua lobio en Miamo", li retrudis vojaĝlimigojn kaj malpermesis negocojn kun ŝtataj kompanioj, kiuj konsistigas la plimulton de la ekonomio kuba.
Laŭ la opinio de la aŭtoro, Usono ŝuldas al la kuba popolo pro siaj jardekoj da ekonomia militado kaj minimume, prezidento Biden devus plenumi siajn kampanjopromesojn kaj tuj forigi la nomumon de Kubo kiel ŝtata sponsoro de terorismo.
Fonto: PL
