Bruno partoprenis en la Virtuala Renkontiĝo de Ministroj pri Eksteraj Aferoj de CELAC. Bildo: XBrunoRguezP

Havano,  apr 10 (RHK) La ministro pri eksteraj aferoj de Kubo, Bruno Rodríguez Parrilla, anoncis per sia konto en X, sian partoprenon en la Virtuala Renkontiĝo de Ministroj pri Eksteraj Aferoj de CELAC antaŭ perforta eniro ĉe la Meksika Ambasado en Ekvadoro.

Rodríguez denuncis la okazaĵon antaŭ la Komunumo de Latin-Amerikaj kaj Karibaj Ŝtatoj (Celac), kiun li priskribis kiel atakon kontraŭ meksika suvereneco, kiu povus starigi tre gravan precedencon kaj endanĝerigi internaciajn rilatojn kaj kunlaboron inter Ŝtatoj.

La estro de la kuba diplomatio emfazis en sia socia retokonto, ke la sturmo al la diplomatia legacio estas serioza, neakceptebla evento, kiu ne eltenas ajnan pravigon. "Ni defendas la forton de leĝo," li diris.

Li emfazis, ke Latin-Ameriko kaj Karibio estas kaj devas daŭre esti Zono de Paco, kiel CELAC proklamis en Havano antaŭ dek jaroj.

La kuba ministro pri eksteraj aferoj ripetis la subtenon kaj solidarecon de Kubo al prezidento López Obrador kaj lia registaro, al Alicia Barcena kaj al la amata meksika popolo.

"Meksiko povas fidi je la preteco kaj volo de Kubo akompani ilin en agoj, kiujn ili entreprenas fronte al ĉi tiu serioza malobservo de la Internacia Juro", diris la kuba diplomato.

Fonto: XBrunoRguezP