Havano,  maj 16 (RHK) La kuba Ministerio pri Eksteraj Aferoj (Minrex) deklaris ĉi-merkredon, ke Usono devas forigi unufoje por ĉiam la plej grandan insulon de Antiloj el la Listo de Ŝtatoj kiuj supozeble sponsoras terorismon.

La Ministerio de Eksterlandaj Aferoj faris ĉi tiun aserton post ekscio pri la ekskludo de Kubo el la listo de landoj kiuj "ne plene kunlaboras kun la kontraŭterorismaj klopodoj" de la norda nacio en la kalendara jaro 2023.

Deklaro de la Ministerio de Eksterlandaj Aferoj:

Laŭ oficialaj usonaj amaskomunikiloj, la 15-an de majo 2024, la Ŝtata Sekretario de Usono sendis al la Kongreso unu pli el la arbitraj raportoj, kiuj kutime kvalifikas landojn, sen ia mandato aŭ internacia rekono.

En ĉi tiu kazo, ĝi listigas kvar landojn kiuj supozeble "ne plene kunlaboras kun usonaj kontraŭterorismaj klopodoj en kalendara jaro 2023." Inter ili kaj male al la lastaj jaroj, Kubo ne estas kalumnie menciata.

Tamen, la Ŝtata Departemento mem konservas Kubon en listo, kiu indikas ŝtatojn, kiuj supozeble "sponsoras" terorismon.

Tio estas absolute unuflanka kaj senbaza listo, kies sola celo estas kalumnii kaj servi kiel preteksto por la alpreno de trudaj ekonomiaj rimedoj kontraŭ suverenaj Ŝtatoj, kiel tiuj senkompate aplikataj kontraŭ Kubo.

La postulo, ke la usona registaro korektu ĉi tiun maljustecon, estas laŭta kaj ripetita, fare de ne nur la kuba popolo, kaj multaj registaroj, precipe en Latin-Ameriko kaj Karibio, sed ankaŭ politikaj, sociaj kaj religiaj organizaĵoj ene de Usono mem kaj pluraj politikistoj el tiu lando.

La klara kaj absoluta vero estas, ke Kubo ne sponsoras terorismon, sed estis viktimo de ĝi, inkluzive de ŝtata terorismo, kiel povas konfirmi ĉiu interesita pri la temo, kaj afero pri kiu la usona registaro perfekte konscias ĝia ŝtatdepartmento, kaj ĝiaj spionaj kaj policagentejoj.

Ili ankaŭ scias la eksterordinaran damaĝon kaŭzitan al la kuba ekonomio de la decidoj, agoj kaj la timiga efiko, kiu aŭtomate deĉeniĝas kontraŭ iu ajn Ŝtato, kiu aperas menciita en tiu listo, sendepende de kio estas la vero.

Ne sufiĉas rekoni, ke Kubo plene kunlaboras kun Usono. Ĝi faras tion ankaŭ kun la internacia komunumo entute. Ĝi estas konata vero kaj neniu provo estu farita por konfuzi publikan opinion.

La Prezidento de Usono havas ĉiujn prerogativojn agi honeste kaj fari la ĝustan aferon.

Fonto: ACN