Bildo: RHK

Havano, maj 30 (RHK) De la Revolucia Registaro ni daŭre antaŭenigos la integriĝon de ĉiuj ekonomiaj agantoj, kiuj estas, kune, bazŝtono por disvolvi kaj progresi al la bonfarto de la popolo, deklaris ĉi-merkredon kuba prezidento Miguel Díaz-Canel.

Sur la socia reto X,  li ratifis ke la reguloj anoncitaj antaŭtage de la usona registaro koncerne Kubon,  estas  limigitaj kaj ne tuŝas la fundamentan korpuson de la ekonomia, komerca kaj financa blokado trudita de tiu registaro al la lando, nek la aliajn sankciojn de ĝia lando kiel  politiko de maksimuma premo.

Ili ne forigas aŭ ŝanĝas la trudajn rimedojn, kiuj plej influas la kuban ekonomion kaj publikajn servojn, tiel grave damaĝante la bonfarton de la tuta loĝantaro hodiaŭ, li rimarkis.

Díaz-Canel denuncis, ke la intenco direkti ilin nur al segmento de la loĝantaro montras lian historian intencon rompi unuecon inter kubanoj.

La zorgo pri la disvolviĝo de la neŝtata sektoro de la ekonomio en la insulo ne estas aŭtenta, li emfazis kaj aldonis, ke ĝi respondas al subfosa dezajno, skizita en konataj strategioj, kiu konsideras la manipuladon kaj uzadon de ĉi tiu sektoro kiel potenciala agento de ŝanĝo.

Dum la plifortigita blokado restos valida, krime influanta la tutan kuban popolon, Usono ne povos liberigi sin de tutmonda kondamno de tiu genocido sen bomboj, kiu celas detrui la admirindan reziston de Kubo, li emfazis.