Foto: Juvenal Balán

Havano, jun 28 (RHK) Alproksimiĝas la somero kaj, kun ĝi, la plej streĉa tempo kiam temas pri festoj. La familio kunvenas, planas feriojn, ĝuas siajn amatojn kaj la liberan tempon provizitan de ĉi tiu etapo, la plej atendita de la jaro por la plej multaj homoj, kaj al kiu multaj institucioj en la lando aliĝas por ofertado de distraj spacoj al la loĝantaro.

Sub la slogano de Somera Tempo, la Ministerio pri Kulturo anoncis la vastan planon de ĉiaspecaj aktivadoj, kiuj efektiviĝos dum la monatoj julio kaj aŭgusto en la 168 municipoj en la lando.

Malgraŭ la malfacila ekonomia situacio, kiun trapasas la lando, ne estos malabunda la programado, kiu atingos la plej malproksimajn urbojn de la Insulo alportante amon, kulturon kaj amuzon al siaj loĝantoj.

Pli ol 125 000 agadoj de ĉiuj artaj manifestiĝoj estas planitaj por transpreni la placojn, teatrojn kaj stratojn de Kubo. Inter tiuj agadoj, estos pli ol 80 aranĝoj kunvokitaj je la institucia, urba, provinca kaj nacia niveloj, celantaj, plejparte, kamparajn, vundeblajn aŭ montajn komunumojn, kun la celo kontentigi emociajn bezonojn per arto, ankaŭ en lokoj kiuj povas esti tre malfacile atingeblaj.

Ekskursoj, koncertoj de profesiaj grupoj, teatraj prezentoj, ekspozicioj, foiroj, konkursoj kaj laborrenkontiĝoj, estas nur kelkaj el la proponoj, kiuj estos disponeblaj por la publiko, tute senpage plejofte.

Inter la planitaj ekskursoj estas tiuj de la Nacia Cirko de Kubo, la Infana Kompanio La Colmenita, Cándido Fabré, Haila María Mompié, Arnaldo y su Talismán, Will Campa kaj Alexander Abreu.

La granda malfermo de la somera tago estos farita kune en ĉiuj municipoj de la lando, morgaŭ, la 29-an de junio, kun prezentoj de salonrondiroj de dancistoj  en la ĉefaj placoj kaj parkoj de ĉiu loko.

Fonto: Granma