Bruno Rodríguez kaj Alicia Bárcena

Havano,  jul 3 (RHK) La ministro pri eksteraj aferoj de Kubo (Minrex), Bruno Rodríguez Parrilla, elstarigis hodiaŭ la staton de la ligoj inter la registaroj kaj popoloj de la insulo kaj Meksiko, post renkontiĝo kun la meksika ministro pri eksteraj aferoj Alicia Bárcena.

 "Ni konsentas pri la bonega stato de la duflankaj rilatoj kaj la pozitivaj rezultoj atingitaj en la lastaj jaroj", li skribis en la socia reto X.

Laŭ la estro de diplomatio de la kariba lando, li okazigis fruktodonan renkontiĝon kun Bárcena, post interparolo kun la elektita prezidento de Meksiko, Claudia Sheinbaum.

Ni reviziis la duflankan tagordon kaj aktualajn regionajn kaj internaciajn aferojn, li komentis.

Rodríguez Parrilla reprezentis Kubon ĉe la III-a Ministeria Konferenco pri Feminismaj Eksteraj Politikoj, okazigita en Meksikurbo, temigis la debaton de strategioj por antaŭenigi egalecon per eksteraj politikoj.

La antila delegacio ankaŭ konsistas el la dua sekretario de la Federacio de Kubaj Virinoj, Sonia Rivero, la dua estro de la Sekretariejo de la Eksterlanda Ministerio, Yurielkis Sarduy, kaj la specialisto pri Plurflankaj Aferoj de la Minrex, Yissel González.

Fonto: PL