Havano, jul 4  (RHK) La VIII-a Plena Sesio de la Centra Komitato de la Komunista Partio de Kubo, kiu kunvenos la 5-an kaj 6-an de julio, havos kiel unu el la ĉefaj temoj en la tagordo la kritikan analizon de plenumo de la agoj celantaj preventadon kaj konfrontiĝon de korupto, krimo, kontraŭleĝecoj kaj sociaj maldisciplinoj, esprimo de la politika volo de la gvidantaro de la Revolucio havi ilin kiel strategian prioritaton de la lando.

Nia Ĉefkomandanto Fidel Castro Ruz priskribis ĝin, en 1993, kiel "politikan batalon", ŝlosilon por konservi firman revolucian bataleman moralon, kaj armegeneralo Raúl Castro Ruz instruis al ni ke tio ne povas iĝi "nur plia kampanjo." konstanta movado, kies evoluo dependos de la kapablo mobilizi la loĝantaron kaj la diversajn agantojn de ĉiu komunumo, sen ekskludi iun ajn, kun rigoro kaj politika intenco.

Fidela al la heredaĵo de niaj historiaj gvidantoj, la 8-a  Partia Kongreso, okazinta en aprilo 2021, ratifis la bezonon plifortigi la rolon de la organizo kaj ĝiaj membroj, kun ilia partopreno, subteno kaj kontrolo en ĉiuj agoj por malhelpi kaj alfronti fenomenojn kaj manifestaciojn, kiuj konsistigas minacon al la Nacia sekureco. La partia evento alvokis esti avangardaj de la batalo kontraŭ korupto, malhonestaj agmanieroj, misuzo de potenco, favorado kaj duoblaj normoj.

La efektivigo kaj plenumado de la politikaj, registaraj, preventaj, alfrontaj, juraj-operaciaj, krimaj, penalaj kaj komunikaj agoj, evoluintaj ekde tiam, ebligis la nunan retenon de kelkaj pli seriozaj krimtipoj, kaj malhelpis la generadon de gravaj situacioj  de eventualaĵo.

La Ministerio de Interno daŭre plifortigis siajn ministeriajn integrigajn sistemojn por la antaŭzorgo kaj konfrontiĝo de krimoj, homoj kun malsocia aŭ riska konduto kaj iliaj agoj, havante kiel prioritaton la municipon, la popolan konsilion kaj aliajn areojn de intereso, en kiuj  sin kombinas operacia potencialo, preventaj-profilaksaj agoj, teknologiaj iloj kaj manovroj kun la fortoj kaj rimedoj de la institucio.

Ĉi tio kunordiĝas kun la decidoj adoptitaj de la Ĝenerala Prokuroro kaj la Popola Supera Kortumo por pliigi la rigoron kaj severecon en la jura, krima kaj puna traktado de la akuzitoj, akuzitaj aŭ sankciitaj, precipe ĉe krimaj figuroj de pli granda damaĝo al la socio.

La agoj de la Prokurorejo en la kontrolo de laŭleĝeco, kaj de la Ĝenerala Kontrolisto de la Respubliko en la ĝusta kaj travidebla administrado de publikaj monrimedoj kaj supera kontrolo de mastrumado, estis direktitaj al agadoj kaj sektoroj de plej granda graveco por la lando.

La Partio plifortigis atenton, kontrolon kaj konstantan taksadon de la afero je ĉiuj niveloj, kaj eĉ enkorpigis ĝin kiel prioritaton en la taksado de la agado de organizoj kaj iliaj membroj. La Juna Komunista Organizo, studentaj organizoj, junularaj movadoj, sindikatoj, sociaj kaj amasaj organizoj faris konkretajn paŝojn por aliĝi kaj pli forte senti sin.

Siaflanke, la Registaro laboris pri la efektivigo kaj plenumo de la Ĝeneralaj Direktivoj por la antaŭzorgo kaj konfrontiĝo de krimo, korupto, kontraŭleĝecoj kaj socia maldisciplino fare de agentejoj, naciaj estaĵoj, provincaj registaroj kaj urbaj administraciaj konsilioj, igante ilin kongrui kun la decidoj por korekti distordojn kaj reakceli la ekonomion.

La Unua Sekretario de la Centra Komitato de la Partio kaj Prezidento de la Respubliko, Miguel Díaz-Canel Bermúdez, alvokis nin "realigi konfrontiĝon kontraŭ kontraŭleĝuloj, friponoj, lumpenoj, mallaboremaj kaj koruptoj, favore al nia popolo kaj por trankvila kaj la honesta evoluo de nia socio.”

La alvoko estas al unueco, kuniĝo kaj revolucia firmeco en la defendo de la socia bonfarto kaj la sanktaj konkeroj de la popolo, kiel sekureco kaj civitana trankvilo, solidigitaj kaj konservitaj dum 65 jaroj, malgraŭ konstantaj agresoj, al la genocida blokado kaj militoj de ĉiaj de la usonaj registaroj por provi malstabiligi, sufoki kaj renversi la Revolucion.

La raporto, kiu estos debatata en la VIII Plena Sesio de la Centra Komitato de la Partio, finiĝas, ĝuste, kun la strategia pensado de la Ĉefkomandanto, kiam la 5-an de januaro 1999, okaze de la 40-a datreveno de la Nacia Revolucia Polico, li deklaris:

«Hodiaŭ, sen forlasi aliajn taskojn, sen absolute forlasi eĉ unu revolucian taskon, inkluzive la defendon de la patrujo kun armiloj enmane se venos la tempo, ekzistas la fundamenta tasko, de grandega ekonomia kaj politika signifo, batali kaj venki krimon.  Venki krimon ne signifas la revon, ke krimo malaperas de la vizaĝo de nia socio, sed prefere redukti ĝin al tiu minimuma esprimo, kiu estas nekapabla ekonomie, serioze, kaj politike, ankaŭ serioze, bati la Revolucion.

Fonto: Granma