Pekino, jul 13 (RHK) Kuba vicĉefministro Jorge Luis Tapia kaj Luo Zhaohui, prezidanto de la Ĉina Agentejo por Internacia Disvolva Kunlaboro, pledis ĉi-sabate por pligrandigo de duflanka kunlaboro.
Dum la renkontiĝo inter ambaŭ, la kuba gvidanto dankis la inviton partopreni en la Dua Altnivela Renkontiĝo de la Forumo pri Tutmonda Agado por Komuna Disvolviĝo, kiu okazis de la 11-a ĝis la 13-a de julio.
Tapia nomis ĉi tiun eventon platformo por dialogo, kiu vere reprezentas la voĉon de la Tutmonda Sudo.
"Ni aliĝas al la multoblaj voĉoj, kiuj rekonis la gvidan rolon de ĉina prezidento Xi Jinping por antaŭenigi la Tutmondan Disvolvan Iniciaton, al kiu ni donas altan gravecon en la realigo de projektoj kongruaj kun la Tagordo 2030," li rimarkis.
La vicĉefministro profitis la kunvenon por ripeti la dankemon de la kuba popolo kaj registaro al Ĉinio pro la lastatempa donaco "kiu montras sian sinceran subtenon en malfacilaj tempoj".
"La sentemo kaj personigita atento de la ĉefaj gvidantoj de niaj landoj estas klara esprimo de la speciala karaktero de la dulandaj rilatoj," li aldonis.
Luo siaflanke elstarigis la pozicion de Kubo dum la Forumo pri Tutmonda Agado por Kuna Disvolviĝo kaj rekonis la fratecon inter ambaŭ nacioj.
Fine de siaj interparoloj, la du reprezentantoj subskribis kunlaboran interkonsenton, kiu plivastigas mult-sektoron de kunlaboro.
Antaŭe, dum renkontiĝo kun ĉina vicĉefministro Ding Xuexiang, en kiu ĉeestis ankaŭ Luo, Tapia certigis, ke eĉ en la kompleksa inflacia scenaro, la plej granda el Antiloj estas unu el la nacioj en la latinamerika regiono, kiu plej investas en helpo kaj socia sekureco.
"Tamen, la ekonomia, komerca kaj financa blokado trudita de Usono kontraŭ nia lando konsistigas la ĉefan obstaklon al nia evoluo kaj, do, al la efektivigo de la Tagordo 2030", li avertis.
Laŭ la gvidanto, la limigoj derivitaj de tiu ĉi sieĝo kaj la inkludo de Kubo en la arbitra usona listo de landoj sponsorantaj terorismon, « influas la nacian financan panoramon, kiu alfrontas malstabilan, nediversecan kaj nedaŭrigeblan aliron al fontoj por financa disvolviĝo.
Fonto: PL
