Foto: Granma
Deklaro de la Ministerio de Eksterlandaj Aferoj de Kubo
Artikoloj en la ĵurnalo The Miami Herald kaj aliaj de la gazetara organizo McClatchy, al kiu apartenas la koncerna ĵurnalo, komencis novan kalumnian kampanjon kontraŭ Kubo fine de la pasinta julio, citante anonimajn informfontojn, praktikoj kutimaj al kiuj tiu ĵurnalisma organizo kaj ĝiaj redaktoroj, kiam mensogoj estas la bazo de la raporto.
La akuzo estas, ke Kubo faras klopodojn por influi lokajn balotkampanjojn en la ŝtato Florido en Usono.
La Ministerio de Eksterlandaj Aferoj malakceptas la akuzon en la plej kategoriaj terminoj. Ĝi ankaŭ bedaŭras la fakton, ke la usona registaro, ĝia Ŝtata Departemento kaj ĝiaj sekretaj servoj ne malkvalifikis la rektan referencon al supozeblaj registaraj agentejoj, sur kies aŭtoritato ŝajnas ripozi tiuj kalumniaj artikoloj.
La usona registaro ne povas citi ajnan pruvon aŭ indikon, ĉar ili ne ekzistas, ke Kubo enmiksiĝis aŭ proponis enmiksiĝi en siajn voĉdonajn procezojn, aŭ ke ĝi favoras iun ajn politikiston el la ŝtato Florido aŭ alia ŝtato en tiu lando. Ĉiu referenco al ĉi tio estas absolute mensogema.
Se ne estus absolute senbaza plendo pri tiel serioza afero, la aliro kaŭzus miron, ĉar oni povus interpreti, ke la usona registaro faris 180-gradan turniĝon kaj unuafoje en pli ol jarcento opinias ĝin malkonvena enmiksiĝi en la balotprocezojn en aliaj landoj. Tamen en neniu el la artikoloj estas klarigite, ĉu ĉi tiu registaro intencas forlasi praktikon tiel nelegitiman kiel neakcepteblan, kiu akompanas la usonan eksteran politikon de tiel longe.
Havano, la 26-an de aŭgusto 2024
