Foto: Granma

Havano, sep 9 (RHK) "Estas evidente, kiu estas  flanke de tiuj, kiuj "amas kaj fondas"", jen kiel la  Ministro pri Eksteraj Aferoj, Bruno Rodríguez Parrilla, denuncis la perfortajn agojn de kontraŭkubaj sektoroj en Miamo, dum la paca agotago por paco kaj kontraŭ la ekonomia, komerca kaj financa blokado trudita de Usono al Kubo.

La Martí-Koalicio, la Brigado Antonio Maceo, la Kultura Asocio José Martí kaj la Bolivara Rondo de Miamo kunvenis la pasintan sabaton por memori la historian gvidanton de la Kuba Revolucio, Fidel Castro Ruz, en evento kiu aliĝis al la internacia alvoko de la Kuba Instituto de Amikeco kun la Popoloj (Icap) por paco, kontraŭ la blokado kaj terorismo.

Dum  pacaj agoj okazis, kontraŭkubaj sektoroj de Miamo, denove – komentis la kuba ministro pri eksteraj aferoj en X – eĥis la malamon kaj agreson, kiuj, laŭ gazetaraj informoj, postulis la intervenon de la urba polico.

Ĉi-rilate, la veterana kuba ĵurnalisto, Max Lesnik, kiu loĝas en tiu usona urbo, diris, ke "ne estas la unua fojo, ke tiu ĉi grupo de dekstremaj kubanoj uzas perforton kiel faŝisman metodon por ataki tiujn el ni, kiuj tenas alte la civitan batalon " kontraŭ la kontraŭ-kubaj iniciatoj de la vica usona registaro, precipe kontraŭ la blokado.

Fonto: Granma