Foto: Studio Revolución

Havano, okt  2 (RHK) Guberniestroj de Kubo analizis la nerespekton de la gvidlinioj de la programo pri loĝejoj kaj la loka produktado de konstrumaterialoj, en kunveno gvidita de ĉefministro Manuel Marrero.

Ne estas la unua fojo ĉi-jare, ke, kiam oni kontrolas la plenumon de tiu programo, ĉiuj provincoj montras malsukcesojn. Fine de aŭgusto, 5,262 loĝejoj estis finkonstruitaj, nur 39% de la 2024-plano.

La ciferoj, laŭ la raporto prezentita en la plej lastatempa renkontiĝo kun guberniestroj, estrita de la membro de la Politika Buroo kaj Ĉefministro, Manuel Marrero Cruz, konfirmas la persiston de tre malalta laborritmo  kaj  niveloj de fabrikado de materialoj. Ili estas nesufiĉaj en ĉiuj lokoj.

Konsiderante ĉi tiun scenaron, kun pli granda efiko en Havano, Camagüey, Las Tunas, Santiago de Kubo kaj Guantánamo, la estro de la Oficejo de Atento al Lokaj Administracioj de la Konsilio de Ministroj, Nancy Acosta Hernández, klarigis la laboron faritan kun la Ĝenerala Direkcio de Loĝado, por korekti organizajn fendojn, sendepende de la markitaj rimedlimigoj.

Acosta Hernández elstarigis, inter la problemoj detektitaj, ke la administrado de la Loĝejo-Programo sur la teritoria nivelo estis fragmentigita kaj estas gravaj malfortoj en la kompletigo de la dungitaro, ĉar ekzistas pluraj provincoj kaj municipoj sen direktoroj de tiu areo. Krome, ŝi atentigis problemojn asociitajn kun la baza infrastrukturo de la lokaj material-produktadcentroj kaj malsukcesoj en komunikado inter la malsamaj strukturoj.

El la renkontiĝo, kiu okazis en la sidejo de la Konsilio de Ministroj, en la Palaco de la Revolucio, kaj ligita per videokonferenco kun la teritorioj, aperis la urĝeco renversi ĉi tiun panoramon, kiu kvankam ĝi ne rezultigos en pli altajn nivelojn de cemento kaj ŝtalo, kiuj estas tre mankhavaj hodiaŭ, ĝi kontribuos al optimumigo de disponeblaj rimedoj.

Fonto: PresidenciaCuba