Foto: arkivo RHC

Havano,  okt 3 (RHK) Kubanoj hodiaŭ memoras la kreadon antaŭ 59 jaroj de la unua Centra Komitato de la Komunista Partio de Kubo (PCC), evento kiu firmigis la ideologian kaj organizan unuecon de la avangarda grupo de la Revolucio.

Ekde tiu momento estis strukturita Partio, kiu havas korpojn, agentejojn kaj bazajn organizojn tra la tuta nacio kaj en la armitaj institucioj.

Ĝia fondo, rimarkis la historia gvidanto Fidel Castro, signifis unu el la plej transcendaj paŝoj en la historio de Kubo, kiu proksime kunigis la revolucian popolon kaj atingis la plej altan gradon de unueco kaj organizo ĉirkaŭ la politikaj konceptoj de la transforma procezo komencita en 1959 sur la insulo.

En la fonda protokolo, okazinta la 3-an de oktobro 1965, en la tiama teatro Chaplin en la ĉefurbo, nun Karl Marx, Fidel Castro anoncis la adiaŭan leteron de la kuba argentina gerilo Ernesto Che Guevara, kiu forlasis Kubon por daŭrigi siajn agojn kontraŭimperiista en aliaj nacioj.

"En nia Centra Komitato mankas iu, kiu posedas ĉiujn meritojn kaj ĉiujn necesajn virtojn en la plej alta grado por aparteni al ĝi kaj kiu tamen ne estas inter la membroj de nia Centra Komitato", li esprimis.

Dum sia parolado, li ankaŭ raportis pri la kunfandiĝo de la gazetoj Revolución kaj Hoy en ununuran oficialan organon de la PCC, sub la nomo Granma, omaĝe al la jaĥto kiu venigis la arkitektojn de la Revolucio al Kubo en 1956.

La 4-an de oktobro estis presita la unua numero de tiu ĉi gazeto, kies eldonado atingis 498 784 ekzemplerojn.

La Komunista Partio de Kubo estas la organizo kiu konsistigas la plej altan gvidantan politikan forton de la Societo kaj la Ŝtato en la kariba nacio.

Fonto: PL