Foto: PL

Bayamo, Kubo, okt 31 (RHK) Prezidento Miguel Díaz-Canel hodiaŭ turneis entojn en Bayamo, en la orienta provinco Granma, kadre de la laborvizitoj faritaj de la plej alta gvidantaro de la lando kaj la Komunista Partio de Kubo (PCC) al la municipoj. .

La tagordo de la prezidento komenciĝis en la baza entrepreno  Incobay, dediĉita al la prilaborado de produktoj el akvokulturo, kiel tinko kaj tilapio.

La ento ankaŭ produktas hamburgerojn, kroketojn kaj kolbasojn, destinitajn por socia konsumo, hospitaloj kaj pli ol tri mil medicinaj dietoj.

Akompanita de la Sekretario de Organizo de la PCC, Roberto Morales, Díaz-Canel vizitis la komunumon de Jabaquito, kiu trairas procezon de transformo.

Laŭ la Prezidanteco de la Respubliko en X, en tiu areo estas zorgataj patrinoj, junuloj estis ligitaj al dungado, kaj estis konstruita magazeno, parko kaj gasvendejo.

Kadre de sia turneo en Bayamo, la ŝtatestro kontrolis la konstruadon de la fotovolta suna parko La Sabana, unu el la kvar, kiuj estos konstruitaj en la teritorio kadre de la programo por ŝanĝi la energian matricon en Kubo.

Oni atendas, ke la kvar parkoj kovros 80 elcentojn de la provinca postulo kaj en tiu vizitata de la prezidento jam estas instalitaj pli ol 42 500 paneloj, sur 16 380 tabloj.

Ĉi tiu procezo estas parto de unu el la plej gravaj investoj faritaj en la lando, kiu havos altan socian, ekonomian kaj median efikon.

Fonto: PL