Foto: Ricardo López Hevia
Havano, dec 11 (RHK) La rolo de la Partio en la korekto de eraroj kaj en la revivigo de la nacia ekonomio kaj la efika enmeto de la ŝtataj kaj neŝtataj agantoj estos temoj, kiujn oni traktos en la IX-a Plena Sesio de la Centra Komitato de la organizo, inter morgaŭ kaj vendredo.
Oni diskutos pri la progreso de la registara programo, kiu celas atingi tiun ĉi celon, prezentita en 2023, kaj pri la ekonomia plano kaj buĝetaj proponoj por la venonta jaro.
Laŭ Carlos Torres, prezidanto de la Ekonomia Komisiono, en deklaroj ĉe lastatempa televida programo Mesa Redonda, ĉi tiu grupo de fakuloj kolektis opiniojn de pli ol 90 000 homoj en la tuta lando, inkluzive de ekonomiaj specialistoj, universitataj akademianoj, ekonomiaj agantoj, membroj de amasaj organizaĵoj, kaj partiaj kaj registaraj strukturoj. Tio estas, ĝi estas demokratia proceduro, el kiu eliras larĝa partopreno en la destinoj de la lando.
Laŭ Jorge Luis Broche Lorenzo, membro de la Sekretariejo de la Centra Komitato, makroekonomia stabiligo, instigoj por ekstera investo, turismo, la revizio de fremdvaluta asignado mekanismoj por kompanioj, kaj la interŝanĝo merkato, inter aliaj, estos en la tagordo.
Yoerki Sánchez, estro de la Ideologia Komisiono, aldonis, ke la Pleno pezos la efikon kaj riskojn de ĉiu decido, same kiel la socian protektajn mekanismojn, ĉar nur la unueco de la Partio kaj ĝiaj revoluciaj fortoj povos renversi la identigitajn problemojn.
Fonto: Granma
