Foto: Arelys García
Havano, jan 3 (RHK) De kvin jaroj, la centra provinco Sancti Spíritus sukcesas pri infana bonfarto, atingante en 2024 mortoprocenton en infanoj sub unu jaro de 3,6 por mil vivaj naskiĝoj, la plej malalta en Kubo.
D-ro Francisco García González, gvidanto de la Programo pri Prizorgado de Patrino kaj Infano (PAMI), reliefigas, ke ĉi tiu indikilo estas rezulto de kunlaboro inter malsamaj sektoroj kaj de la kontrolo de gravedaj virinoj per komputilaj programoj.
En 2024 estis registritaj 2 490 naskiĝoj, 629 malpli ol la antaŭa jaro, kaj naŭ mortoj estis raportitaj pro diversaj kaŭzoj, ĉefe perinaskaj kondiĉoj.
Kvankam oni bedaŭras ĉiun perdon, García González emfazas la gravecon plibonigi la rilaton inter baza kaj dua prizorgado por alfronti la ekonomiajn malfacilaĵojn, kiuj influas la sansektoron.
Malgraŭ problemoj kun homaj rimedoj kaj provizoj, Sancti Spíritus prioritatas patrinan kaj infanan prizorgon.
D-ro Mirta Santos León elstarigas la postvivadon de pli ol 98% de krize malsanaj infanoj en Neonatologio kaj la malkreskon de la indikilo de malalta naskopezo.
Fonto: Escambray
