Foto: @PresidenciaCuba

Havano, jan 10 (RHK) La prezidento de Kubo, Miguel Díaz-Canel, alvenis hodiaŭ al Venezuelo por akompani sian ekvivalenton Nicolás Maduro en la inaŭgurceremonio antaŭ la Nacia Asembleo (Parlamento) por la periodo 2025-2031.

La kuba delegacio estis akceptita sur la kvara deklivo de la internacia flughaveno Simón Bolívar en Maiquetía, ŝtato La Guaira, de la sektora vicprezidanto pri Scienco, Teknologio kaj Sano, Gabriela Jiménez, kaj la ambasadoro de la insulo en Karakaso, Dagoberto Rodríguez.

Ĉi-vendrede, la bolivara ŝtatestro alprenos la prezidantecon de sia lando por sia tria sinsekva mandato, post akiri venkon en la prezident-elektoj de la 28-a de julio kun 51,95 procentoj de la voĉoj, laŭ la Nacia Voĉdona Konsilio.

Pli ol du mil reprezentantoj de registaroj, sociaj movadoj el pli ol cent landoj sur ĉiuj kontinentoj kaj internaciaj organizaĵoj vojaĝis al ĉi tiu ĉefurbo por ĉeesti la ĵuron de Maduro ĉi-vendrede, en la Federacia Leĝdona Palaco.

Fonto: PL