Havano, feb 26 (RHK) Usono pligrandigos la politikon de limigo de vizoj rilataj al Kubo, aldonante la suspendon al tiuj rilataj al la internaciaj kuracistaj kunlaboraj interkonsentoj de la Insulo, tiel limigante la emision de vizoj al kubaj kaj trilandaj registaraj oficistoj, klasifikitaj kiel "ŝajnaj komplicoj", same kiel al personoj respondecaj por ĉi tiu internacia kuracista programo.
La decido, kiu konsistigas la sepan agreson kontraŭ la kariba nacio en monato, estis anoncita ĉi-marde de la usona ŝtata sekretario, Marco Rubio, kiu denove metas sian personan tagordon antaŭ la interesoj de sia Registaro.
Tiel priskribis la pozicion de la usona politikisto, Bruno Rodríguez Parrilla, ministro pri eksteraj aferoj, kiu ankaŭ atentigis en X, ke la anoncita decido, bazita sur malveraĵoj kaj trudado, intencas tuŝi la Sanservojn de milionoj en Kubo kaj la mondo, por profitigi specialinteresajn grupojn por kiuj Rubio ja garantias la malŝparon de usonaj impostpagantoj.
La usona ŝtata sekretario akuzas Kubon eksporti "ekspluatan laboron" kadre de kalumnia kampanjo kontraŭ la prestiĝo de kubaj medicinaj misioj, lanĉita dum la unua prezidenta mandato de Donald Trump (2017-2021).
Nur en tiu periodo, en kiu suferis la atakon de la pandemio de Covid-19, 58 kubaj medicinaj brigadoj laboris en 42 nacioj en Eŭropo, Ameriko, Afriko, Azio kaj Oceanio, en la prizorgado, kuracado kaj preventado de ĉi tiu plago.
Kiel la kuba Ministerio pri Eksteraj Aferoj esprimis plurfoje, tiuj akuzoj celas asocii la Insulon kun praktikoj de "moderna sklaveco" kaj "homa trafiko" por ekspluatado, aŭ ilia supozata enmiksiĝo en la internajn aferojn de la Ŝtatoj en kiuj ili troviĝas.
La persekuto de Usono komenciĝis en Latin-Ameriko, kaj devigis la ĉesigon de kunlaboraj programoj en Brazilo, Ekvadoro kaj Bolivio.
Fonto: Granma
