De María Josefina Arce.
La monato septembro finiĝas per rimarkinda kaj kuraĝiga progreso en la vakcina kampanjo, kiun Kubo disvolvas kontraŭ Kovim-19 kun sia propra imunogen-sistemo, kaj kiu metas ĝin ĉe la kapo de latinamerikaj landoj kun la plej alta procento de la loĝantaro, pli ol 80, kiu ricevis almenaŭ unu dozon de vakcino kontraŭ la malsano kaŭzita de la nova kronviruso.
Nuntempe la nombro de kubanoj, kiuj ricevis almenaŭ unu dozon de niaj imunogenoj, kiuj estas pruvitaj efikaj kaj kiuj ne kaŭzas gravajn adversajn reagojn, kiel montrite en la klinikaj provoj, superas naŭ milionojn.
Laŭ la Ministerio pri Publika Sano, pli ol kvin milionoj da civitanoj jam havas la kompletan imunigan planon.
Grandega estis la peno farita de la aŭtoritatoj kaj sanpersonaro por organizi kaj sukcese efektivigi ĉi tiun kampanjon, kiu permesis administri 200 MIL dozojn kaj eĉ pli ĉiutage.
Pozitiva rezulto, kiu ankaŭ eblis danke al nia farmacia industrio, kiu garantiis la postulatajn dozojn ĝustatempe, malgraŭ la obstakloj truditaj de la usona blokado.
La procezo disvastiĝis kaj Kubo ankaŭ fariĝis la unua lando en la mondo, kiu rajtigis kampanjon pri vakcinado de infanoj kontraŭ Kovim-19. Jam preskaŭ du milionoj da dozoj estis administrataj en aĝoklasoj de du ĝis 18 jaroj.
Ĝuste sur sia Tviter-konto, la kuba prezidento, Miguel Díaz Canel, reliefigis la progreson kaj kvaliton de la imuniga procezo de la infana loĝantaro. "En Kubo oni faras historion," li emfazis.
Ankaŭ en la lastaj tagoj la urĝa uzo de la vakcino Soberana Plus estis rajtigita ĉe konvaleskantaj pacientoj de la malsano pli ol 19-jaraĝa. La aprobo baziĝas sur la rezultoj de klinikaj provoj, post pruvi la postulatajn postulojn pri kvalito, sekureco kaj imunogeneco.
Ankaŭ ekzistas dozoj sen tiomersalo por homoj alergiaj al ĉi tiu substanco, kiu ankaŭ inkluzivas bebojn.
Kaj la bonaj novaĵoj daŭras, ĉar la Centro por Ŝtata Kontrolo de Medikamentoj, Ekipaĵoj kaj Medicinaj Aparatoj rajtigis la komencon de la klinika testo Soberana Plus por neplenaĝuloj resaniĝantaj de la malsano kaŭzita de la nova kronviruso.
En la televida programo Mesa Redonda estis raportite, ke ĝi komenciĝos kun proksimume 530 infanoj el Havano kaj la urbo Cienfuegos, en la centro de la lando.
Kubo ne kredis je la malfacilaĵoj, kiuj estas pli grandaj por la lando pro la intensiĝo de la usona blokado. Nia scienca komunumo refoje metis sian talenton kaj sindediĉon je la servo de la sano de la loĝantaro kaj kreis niajn proprajn vakcinojn.
Nobla kaj humanitara penado subtenata ĉiam de la aŭtoritatoj, kiuj en proksima kunordigo kun specialistoj efektivigas universalan, laŭpaŝan kaj intensan vakcinan strategion kontraŭ Kovim-19 por protekti ĉiun kubanon.
