Foto: Granma
Havano, dec 31 (RHK) Dum sia historio, Kubo establis diplomatiajn rilatojn kun multaj landoj, aktive partoprenante en forumoj, kie ĝi defendas la poziciojn de la Sudo kaj subtenas liberigajn movadojn.
En 2024, la Revolucia Registaro daŭrigis aktivan eksteran politikon, malgraŭ usona klopodo de izolado kaj sankcioj.
La rilatoj kun Usono estis komplikaj, markitaj de historiaj streĉiĝoj kaj mallonga periodo de proksimiĝo inter 2014 kaj 2017.
Ĉi tiu ŝanĝo estis la rezulto de normaliga procezo iniciatita de Raúl Castro kaj Barack Obama, kiu daŭris ne longe. Kvankam Obama faris kelkajn ŝanĝojn, la ekonomia blokado ne estis forigita.
Donald Trump prenis limigajn decidojn kaj Joe Biden konservis la politikojn de sia antaŭulo, influante la kuban ekonomion. Malgraŭ tio, Kubo restis firma en siaj principoj kaj engaĝiĝoj al duflankaj rilatoj.
Legendoj inventitaj de la usona registaro pri Kubo:
-La kvazaŭaj "sondaj atakoj" kontraŭ usonaj diplomatoj.
-La ĉeesto de pli ol 20 000 kubaj soldatoj en Venezuelo.
-La ĉeesto de ĉinaj armeaj bazoj.
-La maligna influo de Kubo por la latinamerika regiono.
-Sklaveco kaj kontrabandado de kubaj kuracistoj.
Titolo III de la akto Helms-Burton:
La decido permesi procesojn en usonaj tribunaloj sub Titolo III de la Helms-Burton-Leĝo estis signifa ago de timigado, post 23 jaroj da sinsekvaj suspendoj de tiu ebleco.
Vojaĝoj:
La kreado de la Listo de Malpermesitaj Loĝejoj en Kubo, kiu inkludis 422 hotelojn kaj ludomojn, konsistigis plian malkuraĝigon vojaĝi. Regulaj kaj ĉartaj flugoj al la tuta lando estis nuligitaj, krom al Havano, kies frekvencoj ankaŭ estis limigitaj. La efikoj de tiu ĉi anonco atingis kaj usonajn civitanojn kaj kubajn familiojn.
Monsendoj:
La decido limigi la kvanton de monsendaĵoj al 1 000 USD po kvarono, la suspendo de nefamiliaj monsendaĵoj kaj la malpermeso de sendaĵoj el triaj landoj tra Western Union, trudis pli grandajn malfacilaĵojn al la enspezo de multaj kubanoj. La neeblo prilabori monsendaĵojn per la kompanioj Fincimex kaj AIS forigis la ĉefajn formalajn kanalojn por fari sendojn.
Medicina kunlaboro:
En la kadro de la kampanjo por misfamigi la internacian medicinan kunlaboron de Kubo kaj regionan scenaron favoran al la dekstro, Usono antaŭenigis la finon de interkonsentoj kun pluraj landoj de la areo, kaj pliigis premon sur multflankaj organizaĵoj kaj triaj landoj.
Komerco kaj negocoj
La regulaĵo, kiu malhelpas la importadon de produktoj el iu ajn lando, kiu enhavas pli ol 10% de usonaj komponantoj, estis remetita al Kubo. En tutmondigita ekonomio, tio konsistigas veran malhelpon por akiri necesajn enigaĵojn, sendepende de la devena merkato.
Fuelo
Nur en 2019, 53 ŝipoj kaj 27 kompanioj estis punitaj. La premoj kontraŭ la registaroj pri registrado aŭ flago de la ŝipoj ankaŭ estis rimarkindaj.
Fonto: Granma.
