Laborkunsido kun la scienca grupo

Havano, jun 23 (RHK) «Oni devas diri, ke la plej grandaj ĝojoj, kiujn ĉi tiu lando havis en la lastaj tagoj, estis la du novaĵoj de Soberana kaj Abdala; kaj homoj bone festis ĝin. Ĝi estis nacia fiero ", diris, en la Palaco de la Revolucio, la Unua Sekretario de la Centra Komitato de la Komunista Partio kaj Prezidento de la Respubliko, Miguel Díaz-Canel Bermúdez.

Tiu sama ĝojo kaj fiero pri la lastatempaj efikecaj anoncoj de niaj du vakcinaj kandidatoj donis la tonon al la kunvenoj de la Grupo de sciencistoj kaj fakuloj, kiuj gvidas sciencajn kaj teknologiajn novigajn agadojn en la batalo kontraŭ KOVIM-19, kaj tiu de la Provizora Laborgrupo.

La unua punkto en la tagordo en la kunveno de la landa gvidantaro kun sciencistoj kaj fakuloj, estis gvidita de d-ro C. Raúl Guinovart Díaz, dekano de la Matematika kaj Komputika Fakultato de la Havana Universitato, kiu, pri la ĝisdatigo de la prognozaj modeloj  montris, ke la ĉefurbo subtenis daŭran situacion de malkresko en la efiko de malsana transdono.

Pri la rezultoj de la san-interveno spertita de Havano, la parolanto emfazis, ke en la unua dekkvino de junio estis malrapida tendenco al malpliigo de kazoj. "Estas bona vojo en la administrado de dozoj, kaj tio kondukas al daŭra tendenco en la redukto de kazoj, kaj la samo okazas kun la nombro da mortoj en la lastaj tagoj."

Tio ne signifas, li aldonis,  ke saninterveno estas la sola faktoro, kiu kondiĉas la nunan panoramon, "sed ekzistas epidemiologiaj kaj statistikaj pruvoj, ke ĉi tio funkcias laŭ la nombroj, kiujn mi antaŭe esprimis."

La kunveno ankaŭ estis  okazo rigardi kiel progresas la studoj kun niaj vakcinaj kandidatoj. La drino. pri Scienco, Marta Ayala Ávila, membro de la Politika Buroo de la Partio kaj ĝenerala direktorino de la Centro por Genetika Inĝenierado kaj Bioteknologio (CIGB), aludis novajn sciencajn pordojn, kiuj estas malfermitaj de la ĵus anoncita efikeco de Abdala (ke la  vakcinitaj homoj reduktas je 92, 28% la probablon, ke, se ili infektiĝas kun la viruso, ili povas suferi la malsanon aŭ iri al pli seriozaj aŭ kritikaj stadioj).

Vicente Vérez Bencomo, direktoro de la Instituto Finlay de Vakcinoj, diris, ke la centro daŭre progresas pri taksado de la efikeco de la tria dozo de Soberana, kaj ke paŝoj ankoraŭ estas farataj en la intervena studo ĉe konvaleskantoj.

D-rino Ileana Morales Suárez, direktorino de Scienco kaj Teknologia Novigo de la Ministerio pri Publika Sano (Minsap), faris referencon al la maniero kiel  konstruiĝis la jura kadro de la interveno, kaj ankaŭ ĝia etika subteno.

La magistrino Olga Lidia Jacobo Casanueva, direktorino de la Centro por Ŝtata Kontrolo de Medikamentoj, Ekipaĵoj kaj Medicinaj Aparatoj, klarigis la postulojn por la rajtigo de la urĝa uzo de la du vakcinaj kandidatoj. "Ni akompanas ĉi tiun tutan procezon de la komenco," ŝi diris kaj parolis pri la rigoro, kiun la reguliga institucio ne malŝparis "eĉ unu minuton". Kiam urĝa uzo estu rajtigita, ŝi diris, tio estos tre grava novaĵo.

Fonto: Cubadebate