Usona Sekcio de Ŝtato. Foto: Arkivo
Havano, sep 22 (RHC) Kristina Rosales, proparolanto de la Usona Departemento de Ŝtato, konfirmis, ke Kubo daŭrigas en la listo de tiu organizo de landoj kiuj supozeble sponsoras terorismon.
Responde al petoj en la Ĝenerala Asembleo de Unuiĝintaj Nacioj forigi la insulon el tiu unuflanka listo, Rosales certigis, ke ne estas ŝanĝo, ne estas anonco aŭ novaĵo, raportas hodiaŭ la ĵurnalo Granma.
Dum la Ĝenerala Debato de la 78-a sesio de la interkonsiliĝo de Unuiĝintaj Nacioj, la kolombia ŝtatestro, Gustavo Petro, petis forigi Kubon el la listo, en kiu ĝi estis enmetita de Usono laŭ peto de eksprezidento de sia lando." nur ĉar ĝi helpis fari pacon."
Aliaj gvidantoj, kiel Luiz Inácio Lula, el Brazilo, Gabriel Boric, el Ĉilio, Xiomara Castro, el Honduro kaj Alberto Fernández, el Argentino, ankaŭ petis en tiu forumo la ekskludon de la plej granda el Antiloj el la listo de la Ŝtata Departemento.
Tra socia reto la prezidento Petro ĵus pritraktis la temon kaj klarigis ke la enlistigo de Kubo kiel lando subtenanta terorismon, obeas la peto farita de Iván Duque (2018-2022) al Usono.
"La preteksto estis ĉar, kiel estis interkonsentita kun la Santos-Registaro, la pacnegocantoj de la Nacia Liberiga Armeo ne povus esti transdonitaj kiel ostaĝoj kiel Duque petis. La antaŭaj interkonsentoj subskribitaj en formo de protokoloj de la landoj de Kolombio, Kubo kaj Norvegio estis perfiditaj”, li skribis.
Ĉiu ĝisdatigo de la listo preparita de Vaŝingtono de sponsoroj de terorismo, ekde 1982, inkludis Kubon, ĝis 2015, kiam prezidento Barack Obama retiris la insulon.
Tamen, en januaro 2021, la administrado de Donald Trump inkludis denove la kariban nacion, tiel ke Kubo, Nord-Koreio, Irano kaj Sirio nuntempe aperas.
Laŭ la Ministerio de Eksteraj Aferoj de la plej granda el Antiloj, la unuflanka kaj fraŭda nomumo de Kubo kiel Ŝtata sponsoro de terorismo plifortigas la malkuraĝigan kaj timigan efikon de la blokado, kiu havas konsiderindan eksterteritorian karakteron kaj damaĝas la legitimajn ligojn establitajn de registaroj, entoj, bankoj kaj komercistoj kun nia lando, kaj tio ankaŭ damaĝas kubanojn loĝantajn eksterlande.
