Foto: PL

Havano, jun 6 (RHK) Kubo memorigas hodiaŭ la datrevenon de la starigo de la Ministerio pri Interno (Minint), institucio kiu certigis nacian sekurecon kaj civitanan trankvilon en la insulo dum 63 jaroj.

La kreado de la Minint konsistigis fruan respondon de la gvidantoj de la Kuba Revolucio, triumfa la 1-an de januaro 1959, al la kreskanta agresemo de la Usona Registaro, kiu elkovigis dekojn da planoj por renversi ĝin.

En tiu ĉi tago en 1961, oficialiĝis la nova biletujo de la Kuba Registaro, kiu kunigis en sia strukturo homajn kaj materiajn rimedojn de diversaj organizaĵoj ĝis tiam disigitaj, kun la celo koncentri klopodojn kaj spertojn por defendi la landon kontraŭ la nedeklarita milito de la Blanka Domo.

La ĝermanta armea strukturo integrigis sekciojn de la tiama malfunkcia Ministerio de la gubernio kaj la Ministerio de Justico ligitaj al la konservado de interna ordo kaj la sekureco de la nacio.

De tiam, la Minint daŭre fortigis sian ĉenon de komando kaj aliaj unuoj estis subigitaj al ĝi, kiel ekzemple la Fajro kaj Arbargardisto-Trupo,  la Limgardisto-Trupoj kaj la Nacia Speciala Brigado.

Sur la antila insulo, la fortoj de la Ministerio de Interno agas kune kun la civitanoj por alfronti internajn krimajn agadojn kaj tiujn venantajn el eksterlando kun la subteno de sinsekvaj usonaj administracioj.

Same, ĝiaj trupoj partoprenas en misioj nomitaj de la gvidantaro de la lando por konservi la homan vivon kaj la ekonomiajn interesojn de la nacio antaŭ katastrofoj kaŭzitaj de naturaj eventoj kaj pandemioj.

Ĉi tiun 6-an de junio Kubo kaj ĝia popolo omaĝas la milojn da viroj kaj virinoj, kiuj tagon post tago, dum la lastaj 63 jaroj, metis sian vivon je la servo de sia lando kaj por sia devo.