Foto: PL

Havano, okt 6 (RHK) La gvidanto de la Kuba Revolucio, armegeneralo Raúl Castro Ruz kaj la unua sekretario de la Centra Komitato de la Komunista Partio de Kubo (CC-PCC) kaj prezidento de la Respubliko, Miguel Díaz-Canel sendis floroferojn al la du savantoj, kiuj mortis en la disfalo de konstruaĵo en Malnova Havano.

La solena omaĝo de la Kuba Registaro kaj popolo estis por la ĉefleŭtenanto Yoandra Suárez López (40-jara) kaj la  Luis Alejandro Llerena Martínez (23-jara), kiuj perdis la vivon ĉi-mardon dum savlaboroj, post la disfalo de plurfamilia konstruaĵo sur la strato Lamparilla numero 362 inter Villegas kaj Aguacate.

La meritoj de ambaŭ savistoj estis elstarigitaj dum la ceremonio gvidita de la membro de la Politika Buroo de la PCC kaj estro de la Ministerio pri Interno (Minint), Generalmajoro Lázaro Alberto Álvarez.

Suárez López estis la nura virino en la lando en la pozicio de unua savteknikisto; ŝi tenis du distingilojn por eminenta servo kaj la medalon dum 10 jaroj da seninterrompa servo en tiu institucio.

Same, la ekzempla virino estis premiita dum la servo de la Medalo por Braveco, aljuĝita de la Ŝtata Konsilio de la Respubliko Kubo, pro sia elstara laboro post la eksplodo en la hotelo Saratoga en Havano, en majo 2022.

Siaflanke, Llerena Martínez ankaŭ tenis la Medalon por Braveco, pro sia agado en la granda fajro, kiu eksplodis la 5-an de aŭgusto 2022 en la Superpetrolŝipo-Bazo, en la okcidenta provinco Matanzas.

Pri tiu ĉi juna batalanto elstaris la korinklino kaj respekto montritaj al li de liaj kunuloj, kaj ankaŭ lia kuraĝo, elprovita en la danĝera kaj humana misio forkapti homojn el la morto.

Dum la kolapso de la konstruaĵo, Ramón Páez, 79, kiu vivis tie, ankaŭ mortis, kaj kies korpo estis trovita inter la rubo, plurajn horojn post kiam la konstruaĵo kolapsis.

Fonto: PL