Manuel Marrero en Irano

Teherano, jul 29 (RHK) La ĉefministro de Kubo, Manuel Marrero Cruz, alvenis ĉi-lunde al ĉi tiu ĉefurbo por partopreni en la enposteniĝo de la prezidento de Irano, Masoud Pezeshkian, planita por morgaŭ.

Laŭ registara komunikado publikigita en la socia reto X, en la Ŝtata Ceremoniejo, Marrero Cruz dankis la bonvenigon kaj emfazis la historiajn rilatojn, kiuj kunigas la du naciojn, antaŭ la irana Ministro pri Sano, Bahram Einollahi.

Same, li esprimis la volon de la antila nacio plifortigi ligojn de amikeco kaj kunlaboro, en ĉi tiu lia unua vizito al la persa lando.

La registarestro opiniis, ke politikaj ligoj estas ĉe la plej alta nivelo kaj estas multe da interkonsento en la internacia sfero, diras la oficiala komunikado.

“Tamen, pli da progreso povas esti farita en la ekonomia kaj komerca areo. Ni identigis la interesajn kampojn, unu el ili estas Sano,” li rimarkis.

Siaflanke, Einollahi deklaris, ke "Irano tre amas kubanojn" kaj memoris la interŝanĝon de vizitoj inter Teherano kaj Havano, precipe en 2023.

La restado de la ĉefministro en la urbo daŭros ĝis la unua tago de la venonta aŭgusto, diras la teksto.

Marrero Cruz, ĝi precizigas, "kompletigos laborprogramon, kiu inkluzivas renkontiĝojn kun persaj aŭtoritatoj, reprezentantoj de la solidarecaj movadoj kun Kubo kaj membroj de la ŝtata misio."

Fonto: PL