Foto: ACN

Havano, sep 10 (RHK) La V-a Internacia Kongreso de Minado kaj Metalurgio (Minimetal 2024) kaj la I-a Forumo pri Eksterlandaj Investoj kaj Komerco kunvenos de la 17-a ĝis la 20-a de ĉi tiu monato en la Kongresejo Placa Amerika, en Varadero, provinco Matanzas.

La iniciatintoj de ambaŭ eventoj estas la Esplorcentro por  Minado kaj Metalurgia Industrio (Cipimm) kaj la GeominSala Komerca Grupo (Geominsal), de la Ministerio de Energio kaj Minejoj.    

 Marcela de los Ángeles Figueredo Frías, vicprezidanto de ĝia Organiza Komitato, ankaŭ raportis, ke ili klopodas vastigi kaj plifortigi rilatojn inter sciencaj komunumoj, faciligi interŝanĝon inter kubaj kaj eksterlandaj esplorgrupoj en komunaj scienc-teknologiaj esplorprojektoj.

Krome, promocii la ligon inter centroj de esploro kaj teknologia disvolviĝo, entoj de scienca, teknologio kaj novigado kaj universitatoj kun la kuba komerca sektoro, kun miksita kaj eksterlanda kapitalo.

Fonto: ACN