Moskvo, jan  27 (RHK) La usona respondo al la sekurecaj proponoj faritaj de Moskvo ne enhavas "pozitivan reagon" al la ĉefa afero: la nevastigo de NATO orienten kaj la nedeplojo far  la Alianco de atakarmiloj kiuj povus minaci Rusion, diris ĵaŭde rusa eksterafera ministro Sergej Lavrov.

La ĉefaj punktoj de la deklaro de Lavrov estas ke en la dokumento "estas reagoj,  kiuj permesas al ni aspiri la komencon de serioza konversacio, sed pri malĉefaj aferoj"; ankaŭ ne estas  pozitiva reago pri la ĉeftemo de la nevastigo de NATO al la oriento.

NATO promesis en la 1990-aj jaroj ke ĝi ne disetendiĝos orienten de la Oder Rivero, sed poste asertis ke tiuj deklaroj estis parolaj.Tamen, la Istanbula Dokumento (1999) kaj la Astana Deklaro (2010) de la OSCE, subskribitaj de ĉiuj membroj de la Organizo por Sekureco kaj Kunlaboro en Eŭropo, kondiĉas, ke ĉiuj landoj respektu la principon de ne sekureca divido, laŭ  kiu ĉiu ŝtato povas elekti la armeajn aliancojn por aliĝi kaj promesas ne plifortigi sian sekurecon koste de la sekureco de aliaj nacioj.

Nun, la Transatlantika Alianco estas "intence silenta" pri la principo, kiu malpermesas plifortigi sekurecon nome de aliaj. Rusio sendos oficialajn petojn al NATO-membroj por klarigi kial ili elektas unu punkton de siaj devontigoj,  provante ignori la kondiĉojn de la aplikado de ĉi tiu punkto.

Prezidento Vladimir Putin faros decidon pri la estontaj paŝoj de Rusio koncerne usonajn kaj NATO-reagojn

Ĉi-merkrede la usona ambasadoro en Rusio prezentis al la rusa Ministerio pri Eksteraj Aferoj la respondon de Vaŝingtono al la proponoj pri sekurecaj garantioj faritaj de Moskvo.

Kvankam la dokumento ne estis publikigita, kaj usona ŝtatsekretario Antony Blinken kaj NATO ĝenerala sekretario Jens Stoltenberg skizis la pozicion de la Okcidento pri la postuloj de Rusio.

La du altrangaj oficistoj deklaris, ke ili daŭre subtenos la principon de malferma pordo de la Alianco, sen fari esceptojn por landoj najbaraj al Rusio. Tiel, la estro de la transatlantika bloko klarigis, ke NATO daŭre kunordiĝos "mallarĝe kun Ukrainio, same kiel kun ĉiuj NATO-partneroj, inkluzive de Finnlando, Svedio, Kartvelio kaj, kompreneble, Eŭropa Unio" kaj urĝis Rusion al " retiri ĝiajn fortojn de Ukrainio, Kartvelio kaj Moldavio". Tamen ambaŭ vokis daŭrigi kaj intensigi la dialogon kun Rusio. Krome, Stoltenberg asertis, ke la Alianco pretas labori kun Rusio pri la temo de armila kontrolo.

Koncerne Ukrainion, ili rimarkis, ke la respondo de la Okcidento estis kunordigita kun Kievo kaj esprimis subtenon al ĝiaj aŭtoritatoj. Precipe Blinken indikis, ke Vaŝingtono daŭre militarigos la landon, sendante helpantojn kaj armilojn "por plifortigi Ukrainion antaŭ la rusa agreso".

La respondo de Usono kaj NATO signifus malakcepton de pluraj ŝlosilaj punktoj de la du proponoj publikigitaj de Rusio en decembro, meze de eskalado de streĉiĝoj ĉirkaŭ Ukrainio.
La proponoj de Rusio

La pakto proponita al Vaŝingtono konsistas el ok artikoloj. La unua el ili kondiĉas, ke ambaŭ partioj devas agi surbaze de la principoj de nedividebla sekureco kaj ne kaŭzi damaĝon al reciproka sekureco; la dua, ke kaj Rusio kaj Usono zorgu, ke ĉiu internacia organizo, armea alianco aŭ koalicio, en kiu unu el la partioj partoprenas, respektu la principojn enhavitajn en la Ĉarto de la Unuiĝintaj Nacioj.

Aliaj punktoj inkludas ekskludi la vastiĝon de NATO en la orienton, ne allasante landojn kiuj estis membroj de Sovetunio en tiun armean aliancon, ne uzante la teritorion de aliaj ŝtatoj por ataki la alian partion, ne deplojante soldatojn kaj armilojn en lokoj kie tio estus perceptita kiel minaco, ne uzante  pezajn bombistojn aŭ batalŝipojn ekster naciaj aŭ internaciaj aerspaco kaj teritoriaj akvoj, ne deplojante mallong- aŭ mezdistancan terbazitajn raketojn ekster nacia teritorio aŭ en lokoj de kie ili povas trafi celojn de la alia partio kaj, finfine, ne trejni armean personaron aŭ civilulojn de landoj kiuj ne posedas nukleajn armilojn en la uzo de ili.

La versio de la eventuala interkonsento kun NATO konsistas el naŭ artikoloj kaj similas al la dokumento proponita al Vaŝingtono. Same, la rusaj aŭtoritatoj insistas, ke la Alianco retiru ĉiujn trupojn kaj ĉiujn militajn ekipaĵojn, kiuj estis deplojitaj en la teritorio de la landoj, kiuj aliĝis al tiu organizo post 1997.

Fonto: RT