Foto: PL

Havano, jan 23 (RHK) La brazila Ministerio pri Sano anoncis, ke pro la manko de sano en originaj popoloj, ĝi studas akceli la reaktivigon de la programo Pli Kuracistoj por varbi profesiulojn, kiuj laborus en la Indiĝenaj Sanaj Distriktoj (DSEI).

Laŭ la ministerio, la aliĝo estus de kuracistoj trejnitaj en la lando kaj eksterlande.

La agado estus konstanta, eĉ en la distrikto de la Yanomami-loĝantaro, kie preskaŭ 100 infanoj mortis pasintjare, laŭ la Ministerio de Indiĝenaj Popoloj.

DSEI estas unuoj de federacia sanitara respondeco kaj egalrilatas al unu aŭ pluraj originaj teroj.

"Ni havis alvokon nur por brazilanoj. Sed ni faros unu por brazilanoj trejnitaj eksterlande kaj, poste, por eksterlandanoj," klarigis la sekretario de Primara Sanservo, Nesio Fernandes, citita de la portalo G1.

Laŭ la ministerio, la rimedo estas unu el la agoj de la Situacia Ĉambro, kreita vendrede, por subteni agojn por alfronti la neglekton de la popoloj vivantaj en la Yanomami-teritorio.

"Se iu dirus al mi, ke ĉi tiuj Yanomami-popolanoj estis malhome traktitaj en ĉi tiuj landoj, kiel mi hodiaŭ vidis, mi ne kredus tion," diris al raportistoj prezidento Luiz Inácio Lula da Silva post hieraŭ viziti vilaĝojn en la norda ŝtato Roraima kaj interparoli kun indiĝenaj gvidantoj.

Li akuzis la venkitan prezidenton Jair Bolsonaro kiu  permesis la interrompon de sanservoj por la indiĝena loĝantaro.

Komence de januaro, Fernandes malkaŝis, ke Pli da Kuracistoj, anstataŭita en la administrado de Bolsonaro, estos rekomencita.

Fonto: PL