Bombado sur Gaza sektoro

Ramallah, feb 6 (RHK) Dekoj da palestinanoj mortis aŭ vundiĝis hodiaŭ en diversaj lokoj de la Gaza Zono pro daŭraj israelaj bombadoj, dum kreskas informoj pri la detruo de la teritorio kaj la tiea humana krizo.

Almenaŭ 10 civiluloj estis mortigitaj kaj aliaj estis vunditaj dum aviadilaj atakoj kontraŭ hejmoj en la kvartaloj Al-Sabra kaj Al-Zaytoun de norda Gaza Urbo, raportis la oficiala novaĵagentejo Wafa.

La aviadilo ankaŭ mortigis 5 homojn kaj vundis 15 aliajn en simila okazaĵo, kiu okazis en la kvartalo Tal Al-Hawa, emfazis la fonto.

En la suda urbo Khan Yunis, 6 civitanoj mortis kaj aliaj vundiĝis ĉi-matene post la bombado de apartamento en la areo Hamad, li aldonis.

Dum semajnoj Khan Yunis estas sub intensa fajro kadre de la surtera ofensivo de la Armeo, kiu konsideras la urbon unu el la ĉefaj fortikaĵoj de la Islama Rezista Movado (Hamas).

La Hospitalo Nasser estas tie sieĝita dum du semajnoj, situacio kiu provokis ondon de internacia kritiko.

Siaflanke televida korespondanto de Al Jazeera, kiu vizitis la kvartalon As-Salam, en la norda rifuĝejo Jabalia, denuncis la detruon de la loko post la retiriĝo de la militistaro.

"Ni povas vidi la grandecon de la detruo postlasita en ĉi tiu parto de Jabalia. Nenio estis savita, inkluzive de vojoj, stratoj kaj ĉirkaŭaj infrastrukturoj,” la ĵurnalisto emfazis.

Nenio estis savita, tero, domoj kaj arboj estis detruitaj, nenio estas loĝebla, sed ni restos firmaj kaj neŝanceleblaj, deklaris la palestina komunikilo.

Fonto: PL