Karakaso, jun 18 (RHK) La Plenuma Sekretariejo de la Bolivara Alianco por la Popoloj de Nia Ameriko-Popola Komerca Traktato -ALBA-TCP- esprimis ĉi-lunde sian solidarecon kun la vicprezidantino de Kolombio, Francia Márquez, pro  la atakoj suferataj de familianoj.

La estro de la latinamerika kaj kariba regiona integriga bloko, Jorge Arreaza, aludis en sia konto sur platformo X, al murdo-intenco  farita kontraŭ la patro de la kolombia fvicprezidantino kaj ŝiaj nevoj de Cauca.

"Feliĉe, ne estis viktimoj por funebri," li diris.

Li reasertis, ke la homoj kaj registaroj de ALBA-TCP "ĉiam pledis por ampleksa paco kaj ĉesigo de politika perforto en Kolombio."

Nia brakumo por la vicprezidentino, ŝia familio kaj la frata kolombia registaro, li esprimis.

En mesaĝo hieraŭ en la sama socia reto, la vicprezidentino deklaris ke "mia koro doloras, ke ĝuste en tiu ĉi tago, ili atakis mian patron".

Ŝi klarigis, ke lia patro, 6-jara nevo kaj la du protektantoj, "suferis atakon sur la ŝoseo Suárez-Cali, proksime de Timba, feliĉe ili eliris nedifektitaj el la atako kaj fartas bone", li aldonis.

Márquez esprimis sian zorgon pri sekureco en Cauca, Valle del Cauca, en la municipo de Suárez kaj la urbeto de La Toma, same kiel por la "sekureco de mia komunumo kaj mia familio."

La vic-regantino petis al la Prokuroro malfermi la taŭgajn esplorojn por klarigi ĉi tiujn faktojn kaj al la Ministerio pri Defendo preni "la necesajn rimedojn por plifortigi la ĉeeston de la armeaj kaj policaj fortoj, kiuj kontribuas al garantio de sekureco en Cauca kaj Valle del Cauca. "

En ĉi tiuj malfacilaj tempoj, mi alvokas al la tuta Kolombio aliĝi al la klopodoj necesaj por konduki nian socion al paco, ŝi emfazis, kaj deklaris, ke "se ni laboros en unueco, ni povos turni ĉi tiun paĝon de doloro kaj perforto."

Fonto: PL