Panamo, 19 okt (RHK) Renkontiĝon por la paco, unueco kaj defendo de la Revolucio proponas la tria eldono de la kubanoj rezidantaj en Latinameriko kaj Karibio, kiu sesios dum la venonta semajno-fino en la centramerika ĉefurbo.
En deklaroj al la gazetaro, Humberto Pérez, membro de la estraro de la Marti-Asocio de kubanoj rezidantaj en Panamo (Amcrp), anoncis la ĉeeston de 100 partoprenantoj el pli ol 15 landoj de la regiono kun la celo interŝanĝi spertojn pri la laboro de similaj organizoj, raportas Prensa Latina.
Li precizigis, ke denove, ili altigos sian voĉon kontraŭ la usona blokado altrudata al Kubo kaj la politikoj de la nuna prezidento Donald Trump, kiu atencas kontraŭ la normaligon de la rilatoj inter la du landoj.
Li sciigis ke similaj eventoj okazos en Eŭropo en la venontaj tagoj de tiu ĉi monato, kiu tre gravas por la historio de la kariba lando.
