Kiel estis informite en la insulo, dum eksterordinara sesio de la nacia parlamento la pasintan 29-an de marto, estis aprobita la Leĝo 118 pri fremdaj investoj, kiu kreas la kondiĉojn kaj subtenas la decidon koncepti ĝin kiel evolufonton en difinitaj sektoroj kaj ekonomiaj agadoj de intereso por la insulo.
Kongrue kun la novaj projekcioj de ekonomia kaj socia evoluo je mallonga, meza kaj longa tempo, la nova leĝo kaj ties komplementaj regularoj stabligas plurajn faciligajn agojn  por favori atenton de la fremdaj kapitaloj.
Prioritataj celoj estas diversigi kaj ampleksigi la merkatojn de eksportaĵoj, aliron al teknologioj avangardaj kaj anstataŭon de importaĵoj, aparte se temas pri nutraĵoj.
Samtempe, ĝi celas atingi eksteran financadon, krei novajn laborfontojn, kapti labormetodojn kaj evoluigi produktivajn ĉenerojn, krom transformi la energetikan kernon de la lando profitante novajn energifontojn renovigeblajn.
Kubo serioze impulsas fremdan investadon en la nacia teritorio surbaze de respekto al la leĝo, la suvereneco kaj sendependeco de la lando kaj la reciproka profito por kontribui al la ekonomia evoluo de socio socialista, prospera kaj daŭripova.