Parizo, jun 18 (RHK) Kubanoj loĝantaj en Ĉeĥio  kaj Nederlando hodiaŭ ratifis sian subtenon al la insulo antaŭ defioj kiel la blokado trudita de Usono kaj la batalo kontraŭ la pandemio Kovim-19.

Antaŭ la komenco de la XV-a  Renkontiĝo de Kubaj Loĝantoj en Eŭropo (ECRE), organizita ĉi-jare en Francio, ambaŭ asocioj anoncis, ke en sia partopreno en la morgaŭa evento ili kondamnos la ekonomian, komercan kaj financan sieĝon aplikatan de Vaŝingtono dum pli ol ses jardekoj.

Dialogante kun Prensa Latina, la prezidanto de la Martiana Asocio de Kubanoj Loĝantaj en Ĉeĥio, Osvaldo Rodríguez, konsideris la kunvenon tre grava kaj estas okazo  por ripeti la subtenon al la kariba lando kaj la kondamnon al  la blokado.

La pandemio de Kovim-19 devigas nin renkontiĝi virtuale, sed tio ne  malhelpos nin ratifi niajn poziciojn, kaj en la nuna scenaro de la sankrizo rekoni ĉion, kio estas farata tie kontraŭ la malsano, kiel ekzemple,  la kvin vakcinaj kandidatoj, li emfazis.

Laŭ Rodríguez, inter la iniciatoj, kiuj estas skizitaj en  ĉeha  teritorio, indas reliefigi la laboron de kubaj sciencistoj por akiri imunigajn agentojn, per kiuj la insula registaro planas protekti la tutan loĝantaron antaŭ la fino de la jaro.

Luz Marina Torres, membro de la asocio de loĝantoj en Nederlando “Kubo en mi animo”, komentis, ke morgaŭa renkontiĝo traktos la ĉeeston en sociaj retoj kaj amaskomunikiloj por defendi la patrujon kaj disvastigi ĝian historion kaj kulturajn valorojn.

Ĝi estas potenca ilo, kiu, krom permesi mallarĝan ligon kun aliaj organizoj kaj solidaraj grupoj, ebligas kontraŭbatali malamajn paroladojn, disvastigi la realon de nia lando kaj denunci la feran kaj kriman blokadon, ŝi klarigis.

Torres ankaŭ dankis la renkontiĝon pro la spaco, kiun ĝi ofertas por dividi spertojn pri agoj por subteni la insulon kaj ĝiajn homojn, kun la sendado de donacoj, i.a.

Organizantoj de la dekkvina eldono de ECRE, kunvenoj komencitaj ĝuste en Francio en 2006, menciis kiel la centrajn temojn de la foruma tagordo, la defendon de la suvereneco kaj sendependeco de Kubo kaj la malakcepton de la ekonomia, komerca kaj financa blokado de Usono, kio  inkluzivas laboron en sociaj retoj kaj la kontribuon de novaj generacioj kaj posteuloj.

fonto: PL