Díaz-Canel en la provinco Holguín

Holguín, feb 17 (RHK) La unua sekretario de la centra komitato de la komunista partio kaj prezidento de la respubliko Miguel Díaz-Canel aliĝis al la  vizito de la partia organizo en  la orienta provinco Holguín, kiu daŭras ĉi-ĵaŭdon kun renkontiĝoj en komunumoj kaj ekonomiaj, sociaj kaj kulturaj centroj de la urbo.

Díaz-Canel renkontiĝos kun membroj de la organizo kaj vizitos kvartalojn, produktivajn centrojn kaj lernejojn.

Por kontroli la efektivigon de la interkonsentoj aprobitaj en la 8-a Kongreso de la PCC, membroj de la Sekretariejo kaj la helpa strukturo de tiu politika organizo venis al produktivaj polusoj, vundeblaj kvartaloj, kamparaj areoj kaj lernejoj por diskuti pri la transformoj en la nacio.

Rogelio Polanco, estro de la Ideologia Departemento de la PCC, dum interŝanĝo de opinioj kun kamparanoj, emfazis la gravecon de ilia partopreno en decidofarado en la estaĵoj kun kiuj ili estas asociitaj, por ke tiuj respondu al la interesoj, kapabloj kaj bezonoj de tiuj, kiuj tie laboras.

Dum renkontiĝo kun artistoj kaj komunikiloj el la municipo Mayarí, la partiestro emfazis la efikon al la nacia kulturo de la festivalo de muzikbandoj de popola muziko (Soneo) , kiu en ĉiu eldono kunvenigas reprezentantojn de tiu kuba ritmo.

Siaflanke, Roberto Morales, membro de la Politika Buroo de la PCC, parolis kun laboristoj de la  nikela industrio de Moa pri plenumo de produktadplanoj, la averaĝa salajro, kaj ankaŭ pri la efiko de la 43 regulaĵoj adoptitaj por revigligi kaj antaŭenigi la ŝtatkompaniojn socialistajn.

Por ĉi tiu tago estas planita vizito al la historia loko de Birán, kie naskiĝis la ĉefkomandanto Fidel Castro, kaj aliaj punktoj de sociekonomia intereso en la municipoj Rafael Freyre, Cueto, Cacocum kaj Holguín.

Fonto: PL