Havano, nov 10 (RHK) La VI-a Konferenco pri Internacia Kunlaboro de la Asocio de Karibaj Ŝtatoj (AKS) komenciĝas ĉi-ĵaŭdon en la kuba ĉefurbo por antaŭenigi integriĝon kaj solidarecon inter la landoj de la regiono.

La renkontiĝo, kiu okazos dum du tagoj, havos kiel centran temon ´La Granda Karibio unuiĝinta al ekonomia reakiro kaj daŭrigebla kaj sekura turismo.´

Laŭ la Ministro pri Eksterlanda Komerco kaj Eksterlanda Investo de Kubo, Rodrigo Malmierca, la ĉefa ideo de la evento estas ligita al la Celoj de Daŭripova Evoluo aprobitaj de Unuiĝintaj Nacioj, kiujn ĉiu lando adaptis al siaj meztempaj disvolvaj planoj.

Ĉi-rilate, dum interveno en la televida programo Mesa Redonda, li komentis, ke la konferenco ricevos reprezentojn de la 25 membrolandoj de ACS kaj ankaŭ de la observaj nacioj.

Partoprenos ministroj, ministroj pri eksteraj aferoj kaj gvidantoj de internaciaj organizaĵoj, kiel la Iber-Amerika Ĝenerala Sekretariejo (Segib), la Latin-Amerika kaj Kariba Ekonomia Sistemo kaj la Bolivara Alianco por la Popoloj de Nia Ameriko-Popola Komerca Traktato, li klarigis.

El lia perspektivo, la renkontiĝo ne nur ebligos interkonsenti pri pozicioj, sed ankaŭ allogos la atenton de la evoluinta mondo, observaj landoj kaj internaciaj organizaĵoj, kiuj povas partopreni per donacoj kaj kunlaboraj projektoj en la regiono.

"La vizio, kiun Kubo havas -kaj kiujn havas la landoj de la Granda Karibio- antaŭenigi kunlaboron kaj fari ĝin kun alvokiĝo de solidareco estos la ĉefa ĉefrolulo de ĉi tiu renkontiĝo", diris Malmierca.

Fonto: PL