Internacia Kongreso pri Medio kaj evoluo.

Havano, jul 3 (rhk) La prezidento de Kubo, Miguel Díaz-Canel, salutis la partoprenantojn de la XIV Internacia Konvencio pri Medio kaj Evoluo, evento kiu kunvenigas aŭtoritatojn de la G-77 kaj Ĉinio.

En sia tvitera profilo, la kuba prezidento bonvenigis la altajn aŭtoritatojn de la Medio, Scienco, Teknologio kaj Novigo de la landoj de la integra bloko, kiuj diskutos la decidan aferon favore al la klimato, la medio kaj la antaŭenigo de daŭripova disvolviĝo.

La evento permesos pli proksiman kunlaboron pri daŭrigeblaj praktikoj, inkluziva ekonomia kresko kaj mediprotekto, dum ĝi estos eksterordinara ŝanco por la estonteco, emfazis la portempa prezidanto de la grupo 77 plus Ĉinio.

La kunvenon ĉeestas ankaŭ esploristoj, aŭtoritatoj, edukistoj, specialistoj, manaĝeroj, komercistoj, profesiuloj, produktantoj kaj aliaj homoj, kiuj laboras por la daŭripovo de nia planedo, argumentis la kuba ministro pri Scienco, Teknologio kaj Medio, Elba Rosa Pérez Montoya.

Ŝi ankaŭ klarigis, ke la renkontiĝo dediĉos siajn tagojn al daŭrigebla, inkluziva kaj rezistema disvolviĝo, kun pli da scienco kaj novigo por sana kaj ekvilibra medio.

Fondita en 1964 ene de la Senalianca Movado, la grupo alfrontas enormajn defiojn por la evoluo de siaj nacioj, kiuj kune reprezentas 80 procentojn de la monda loĝantaro kaj pli ol du trionojn de la membraro de Unuiĝintaj Nacioj.

Fonto: PL