Foto prenita de Prensa Latina

Havano,  aŭg 18 (RHK) La Ĝenerala Direktoro pri Eksterlanda Investado, de la Ministerio pri Ekstera Komerco kaj Eksterlanda Investado de Kubo (Mincex) Carlos Luis Jorge, asertis ĉi-ĵaŭdon en Montevideo, ke la kariba nacio bezonas eksterlandan kapitalon kaj partoprenon al sia disvolviĝo kaj por tio ĝi proponas centojn da projektoj.

En la sidejo de la Latin-Amerika Integriga Asocio (Aladi), la oficisto prezentis la dosieron de komercaj ŝancoj en sia lando.

Ĝi estis disertaĵo antaŭ membroj de la diplomatia korpuso akreditita en la urugvaja ĉefurbo kaj komercistoj, antaŭ kiuj li estis prezentita de la kuba ambasadoro, Zulan Popa.

Jorge difinis prioritatajn sektorojn kaj agadojn, inkluzive de nutraĵproduktado, la sukerindustrio, turismo, renoviĝantaj energifontoj kaj distribuita generacio.

Li ankaŭ menciis scion-intensajn industriojn, precipe tiujn bazitajn sur farmacia evoluo kaj bioteknologio kie, li diris, Kubo havas talenton, scion kaj agnoskitajn rezultojn.

"Ankaŭ la financa banka sektoro kaj infrastrukturo estas inter la prioritatoj", diris Jorge, kiu klarigis, ke ekde la pasinta jaro la plej granda insulo de Antiloj ankaŭ malfermis pograndan kaj detalan komercon al ekstera investo.

Li klarigis, ke eksterlandaj investoj nombris 10 miliardojn da dolaroj en la lastaj jaroj, en kiuj entreprenoj estis establitaj kun kompanioj el pli ol 40 landoj.

Li laŭdis la potencialon de la Speciala Disvolva Zono Mariel, okcidente de la kuba ĉefurbo, kie 50 eksterlandaj firmaoj estas ĉenitaj al la nacia ekonomio.

La direktoro de Mincex denuncis, ke unu el la ĉefaj celoj de la plifortigita blokado de Usono kontraŭ Kubo estas malhelpi eksterlandajn investantojn partopreni en ekonomia disvolviĝo.

Fonto: PL